Vylecieła z mašyny na chadu i ŭžo nie zmahła padniacca

U Naroŭli asudzili 22-­hadovaha chłopca. Jaho adpravili na piać hadoŭ u kałoniju va ŭmovach pasialeńnia. Pryčynaj takoha prysudu ŭ čarhovy raz stała harełka — sieŭ napadpitku za rul i pakalečyŭ dziaŭčynu.

Trahiedyja zdaryłasia 4 žniŭnia 2014. 17-­hadovaja Darja Mazurenka ź siabroŭkaj viartałasia damoŭ paśla sustrečy z byłymi adnakłaśnikami. Tolki skončyli škołu, pastupili va ŭniviersitety — sabralisia, kab padzialicca navinami. Sama Darja rychtavałasia da navučalnaha hoda na jurfaku Homielskaha ŭniviersiteta. Ale pa darozie kala dziaŭčat spyniŭsia znajomy na «Aŭdzi», prapanavaŭ padvieźci. U mašynie choć i nie chapała svabodnych miescaŭ, ale paciaśnilisia. Tolki kiroŭca nie damoŭ pavioz dziaŭčat, a pačaŭ haniać pa horadzie, choć byŭ napadpitku.

Dziaŭčaty prasili spynicca, kab vyjści. I na płoščy Lenina kiroŭca spyniŭsia. A kali Darja adčyniła dźviercy, rezka pajechaŭ nazad. Dziaŭčyna vyvaliłasia z mašyny. Paśla padzieńnia jana nie straciła prytomnaść, ale raptam u jaje aniamieła cieła — i padniacca sama nie zmahła. U vyniku 22 dni praviała ŭ reanimacyi. Pieraniesła niekalki apieracyj. Ale padniacca na nohi nie moža i da siońnia. Jana atrymała zakryty askołačny pranikajučy pierałom piataha šyjnaha pazvanka sa ściskańniem śpinnoha mozhu. Całkam byli paralizavanyja ruki i nohi.

U lutym dziaŭčynu vypisali z balnicy, jana znachodzicca doma. Ciapier nazirajecca stanoŭčaja dynamika: Daša moža siadzieć i krychu varušyć rukami. Ale patrebna dobraja reabilitacyja. Rodnyja dziaŭčyny šukajuć mahčymaści advieźci jaje ŭ Izrail na lačeńnie. Śpiecyjalisty rajać čatyrochmiesiačnuju reabilitacyju, jakaja budzie kaštavać kala $270 tysiač. Ciapier rodnyja katory miesiac źbirajuć hrošy.

…A kiroŭca «Aŭdzi» na sudzie nie pryznaŭ svajoj viny.

Na karyść paciarpiełaj chłopiec pavinien spłacić 508 miljonaŭ rubloŭ. Rodnyja ž prasili 3 miljardy rubloŭ. Lačeńnie ŭ Dašy jašče budzie doŭhim i darahim.

Achviarujcie na lačeńnie!

Hrošy na lačeńnie Darji možna pieraličyć praz dabračynnyja rachunki.

AAT «ASB Biełarusbank», filijał 300/155, MFA 151501661, UNP 400207877, Adras: Homiel, pr. Kastryčnika, 48. Kod filijała: 661, tranzitny rachunak 3819382100255. Pryznačeńnie płaciažu: dla zaličeńnia na dabračynny rachunak na imia Mazurenka Ludmiły Leanidaŭny dla lačeńnia Mazurenka Darji.

Biełaruskija rubli. Tranzitny rachunak 3819382100255, na dabračynny rachunak №000003 u adździaleńni №300/155.

Dalary, jeŭra. Tranzitny rachunak 3819382100255, na dabračynny rachunak №000004 u adździaleńni №300/155.

Rasijskija rubli. Tranzitny rachunak 3819382100255, na dabračynny rachunak №000002 u adździaleńni №300/155.

• 0
• 0
• 0
• 0
• 0
• 0
• 0
• 0