19 (19). Alaksandr Šakucin
Staršynia rady dyrektaraŭ AAT «Amkador».
Na praciahu apošnich hadoŭ Šakucin staŭ samym nabližanym da Alaksandra Łukašenki biznesmienam. Miljanier supravadžaje jaho i padčas rabočych turne, sumieščanych z adpačynkam, i navat padčas siamiejnych vizitaŭ da cieščy Łukašenki. A kali na syna Šakucina byŭ ździejśnieny razbojny napad, to kiraŭnik krainy ŭziaŭ rasśledavańnie spravy pad asabisty kantrol.
Biznesmien śviadoma abraŭ stratehiju blizkaści da ŭłady. Jon siomy hod siadzić u saviecie respubliki i z zadavalnieńniem zabiraje da siabie čynoŭnikaŭ-adstaŭnikoŭ.
Naprykład, dyrektar «Amkado-ra» — były pamočnik prezidenta Siarhiej Tkačoŭ, a jahony namieśnik — były vice-mer Minska Siarhiej Radaman.
Chołdynh Šakucina tym časam atrymlivaje novyja i novyja zavody.
Akramia taho, razam z navapołackim siabram i partnioram Mikałajem Varabjom Šakucin vykupiŭ «Absalutbank», a taksama vykazaŭ žadańnie zaniacca turbiznesam.
Siarod aktyvaŭ biznesmiena zastajecca i pradziusarski centr «Spamaš», hołas jakoha — samaja maładaja zasłužanaja artystka krainy Alena Łanskaja. Razam ź joj Šakucin sprabavaŭ skaryć «Jeŭrabačańnie».
Cytata
«My damovilisia, što Šakucin nikoli nie budzie vyvodzić hrošy ŭ afšory ci jašče kudyści chavać, a budzie ŭkładać u ekanomiku Biełarusi».
Alaksandr Łukašenka ŭ śniežni 2014.
Abjektyŭka
Nar. u 1959 u vioscy Vialikaje Babina Aršanskaha rajona. Zakončyŭ Biełaruski
dziaržaŭny miedycynski ŭniviersitet pa śpiecyjalnaści «chirurhija». Pracavaŭ zahadčykam chirurhičnaha adździaleńnia 10-j minskaj balnicy, dyrektaram miedcentra MTZ. U jakaści prezidenta pradpryjemstva «Prammiedinviest» zajmaŭsia pastaŭkami miedycynskaha abstalavańnia. Staršynia rady dyrektaraŭ AAT «Amkador» (z 2005), člen savieta respubliki (z 2008), staršynia Biełaruskaj tenisnaj fiederacyi (z 2012).
* * *
Čytajcie taksama:
Fienomien Šakucina: jak viaskovy chłopiec staŭ adnym z najbahaciejšych biznesmenaŭ
* * *
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški46
Kamientary