14 (37). Mikałaj Snapkoŭ
Namieśnik kiraŭnika Administracyi prezidenta.
Snapkova tradycyjna ličyć prychilnikam rynkavaj ekanomiki. Na pasadzie ministra ekanomiki jamu dazvalałasia hienieravać novyja idei, a voś paŭnamoctvaŭ na ich realizacyju brakavała. Ciapier čynoŭnik viarnuŭsia ŭ kiraŭnictva Administracyi prezidenta.
Z kožnym hodam Snapkoŭ pačuvajecca ŭsio bolš upeŭniena. Jon moža naležnym čynam prezientavać krainu na mižnarodnym uzroŭni, hatovy i da kantaktaŭ ź niezaležnymi ekśpiertami.
Adzin z samych maładych ministraŭ Biełarusi pryjšoŭ na vysokuju pasadu faktyčna niadkul, i heta hałoŭnaja zahadka ŭ jahonaj bijahrafii. Niekatoryja kazali, što heta favaryt Barysa Batury, inšyja šukali svajackija ci siabroŭskija suviazi miž žonkaj Snapkova i niaviestkami Alaksandra Łukašenki. Adnak pra siamju ekanamista dahetul ničoha nieviadoma, tolki sam Snapkoŭ pryznavaŭsia, što jahonaja maci žyvie ŭ Litvie. Dyj samoha čynoŭnika bačyli na zakupach u «Akropalisie».
Cytata
«Ni ja, ni kamanda Minekanomiki nie źjaŭlajemsia refarmatarami. My prahmatyki».
Śniežań 2014, da źmieny miesca pracy.
Abjektyŭka
Nar. u 1969 u Mahilovie. Zakončyŭ Biełaruskuju sielhasakademiju (1991), Akademiju kiravańnia (2001). Pracavaŭ ekanamistam, staršym ekanamistam, buchhałtaram u kałhasach Mahiloŭščyny i Hrodzienščyny, u sistemie «Biełahraprambanka». Namieśnik staršyni Horackaha rajvykankama (1996—2000), načalnik finansavaha ŭpraŭleńnia, a paśla namieśnik staršyni Mahiloŭskaha abłvykankama (2000—2009). Namieśnik kiraŭnika Administracyi prezidenta (u 2009 i z 2014). Ministr ekanomiki (2009—2014).
* * *
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič5
Kamientary