Samymi papularnymi stali vojski sił specyjalnych apieracyj, dzie konkurs skłaŭ da 5 čałaviek na miesca.
Pres-sakratar Ministerstva abarony Viačasłaŭ Ramienčyk raskazaŭ Jeŭraradyjo, što pryzyŭnikoŭ-uchilistaŭ u hetym hodzie było mienš. Jon upeŭnieny, što maładyja ludzi nie prychodziać na kamisiju nie naŭmysna, a tolki tamu, što nie viedajuć dobra zakon.
Viačasłaŭ Ramienčyk: U nas bolš za 150 tysiač padlahajuć pryzyvu, ale ŭ nas ažyćciaŭlajecca adbor. Asnoŭnyja kryteryi – heta stan zdaroŭja i maralna-psichałahičnyja jakaści maładoha čałavieka, tamu nie kožny padlahaje pryzyvu.
U studzieńskaj pryzyŭnoj kampanii konkurs u vojska sił śpiecyjalnych apieracyj skłaŭ 5 čałaviek na miesca. Šaniec tudy patrapić byŭ u junakoŭ z 1-j hrupaj zdaroŭja i samymi lepšymi pakazčykami pa psichałahičnych testach. Jeŭraradyjo pacikaviłasia ŭ Viačasłava Ramienčyka, kali ŭ vojsku taki vysoki konkurs, navošta pastajanna dasyłać pozvy pryzyŭnikam-uchilistam.
Viačasłaŭ Ramienčyk: U nas jość zakanadaŭstva, jakoje vyznačaje, chto pavinien pryzyvacca. Čamu niechta pavinien słužyć va Uzbrojenych Siłach, a niechta nie pavinien? Tamu ŭ nas była uviedziena kryminalnaja adkaznaść za ŭchileńnie ad pryzyvu, kali ŭ nas i tak chapaje pryzyŭnikoŭ, kab zraŭniać hramadzian pierad zakonam.
Akramia stanu zdaroŭja pryzyŭnikoŭ praviarajuć jašče na maralna-psichałahičnyja jakaści. Maładomu čałavieku prapanoŭvajuć adkazać na 35 pytańniaŭ, kab pravieryć, ci hatovy jon da słužby ŭ vojsku. Naprykład, kali ŭ maładoha čałavieka jość tatuiroŭki i pirsinh, jaho abaviazkova nakiroŭvajuć na hutarku ź psichijatram. Vajenkam vajennaha kamisaryjata Leninskaha rajona Minsku Ihar Śfiatkievič kaža Jeŭraradyjo, kali pryzyŭnik apyniecca adekvatnym, tady jaho abaviazkova pryzavuć.
Ihar Śfiatkievič: Nam patrebna tolki zaklučeńnie kamisii, što jon zdarovy i jaho maralny stan zadavalniajučy, ale kali jon prachodzić psichijatra, to psichijatr źviartaje ŭvahu na zavušnicy ŭ vušach i nosie, na tatuiroŭki. Chacia niama takich abmiežavańniaŭ: kali ŭ jaho jość tatuiroŭka - nie brać u vojska.
I tym nie mienš, kali ŭ junaka budzie šmat tatuirovak i pirsinhu, u vojska jaho nie pryzavuć
Kamientary