Stress Tracker spatrebicca ŭ hramadskim transparcie i nie tolki.
Kampanija EPAM pradstaviła na vystavie Embedded World 2015 u Niurnbierhu, Hiermanija, naručnuju pryładu Stress Tracker, raspaviadaje dev.by.
Stress Tracker nosicca na ruce, plačy ci nazie. Datčyk fiksuje ŭzrovień elektryčnaha supraciŭleńnia skury, na jaki ŭpłyvajuć stan čałavieka i charaktarystyki asiarodździa, a mikrafon zapisvaje navakolnyja huki. Analiz infarmacyi dazvalaje vyznačyć pryčynu stresu.
Admysłovy ałharytm dazvalaje zapisać huki tolki ŭ patrebny momant, za niekalki chvilin da stresu i niekalki chvilin paśla jaho. Prasłuchać zapisy stresavych momantaŭ možna z dapamohaj Android-smartfona.
«Jašče adnoj admietnaj rysaj pryłady jość jaje adaptyŭnaść: jana padładžvajecca pad kankretnaha čałavieka i vyznačaje jaho naturalny ŭzrovień pacieńnia ŭ tym asiarodździ, u jakoj jon ciapier znachodzicca», — kaža Michaił Bajko, aŭtar pryłady i dyrektar EPAM Embedded Practice.
Pratatyp pryłady byŭ ułasnaruč stvorany za dva hady, ale ab sieryjnaj vytvorčaści kazać pakul rana. EPAM nie źbirajecca samastojna pradavać pryłady, bo jość servisnaj kampanijaj, tłumačyć Bajko.
Ad taho, chto stanie kampanijaj-uładalnikam technałohii, a taksama ad pamieru partyi budzie zaležyć cana pryłady. Ale Bajko vieryć: kali Stress Tracker dabiarecca da kramaŭ, jon nie budzie daražejšym za 100 dalaraŭ.
Pryłada moža nieści jak zabaŭlalnyja, tak i surjoznyja funkcyi. Na vystavie joj zacikavilisia pradstaŭniki śfiery hramadskaha transpartu: manitorynh stanu kiroŭcy dazvolić paźbiehnuć niebiaśpiečnych dla pasažyra situacyj.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary