Ministr zamiežnych spraŭ «DNR»: «Prajekt Navarosija» «zakryty na niekatory čas»
Dniami niekatoryja ź lidaraŭ tak zvanych «DNR» i «ŁNR», jakija dziejničajuć na ŭschodzie Ukrainy, paviedamili, što tak zvany «prajekt Navarosija» zakryty, bo nie zdoleŭ atrymać raźvićcia, na jakoje jany spadziavalisia.
Tak, ministr zamiežnych spraŭ «DNR» Alaksandr Kofman zajaviŭ, što prajekt «Navarosija» «zakryty na niekatory čas».
«Što tyčycca prajekta «Navarosija», to ŭ siłu taho, što narodny vybuch adbyŭsia raniej, čym my płanavali, bo my nie zmahli ŭtrymać nasielnictva na mitynhach, raniej patrebnaha padnialisia i našy prychilniki ŭ inšych rehijonach — u Adesie, Charkavie. U vyniku bolš za 40 našych chłopcaŭ zahinuli ŭ Adesie, mnohija aktyvisty byli aryštavanyja ŭ Charkavie, a respubliki, jakija mierkavałasia stvaryć u hetych rehijonach, akazalisia abiezhałoŭlenymi. Tamu prajekt «Navarosija» zakryty na niekatory čas», – paviedamiŭ Kofman u intervju ŚMI.
U toj ža momant ab spynieńni dziejnaści svajho ruchu «Navarosija» zajaviŭ jaho staršynia Aleh Caroŭ: «Dziejnaść struktur «Navarosii» zamarožanaja, pakolki jana nie ŭpisvajecca ŭ płan mirnaha ŭrehulavańnia, padpisany ŭ prysutnaści krain «narmandskaj čaćviorki».
Na dadzieny momant sajt tak zvanaha «parłamienta Navarosii» nie pracuje, na im značycca, što «absłuhoŭvańnie aficyjnaha sajta parłamienta Navarosii prypyniena».
Ciapier čytajuć
Babaryka: Kali b my pieramahli — vajny va Ukrainie nie było b32
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary