Na «Junisonie» pad Minskam sabrali i hatovyja pradavać «biełaruski» Opel. Na čarzie — Cadillac
SP ZAT «Junison» prystupiŭ da vytvorčaści Opel Mokka — pieršaja partyja aŭtamabilaŭ užo vypuščana i rychtujecca da adpraŭki ŭ Rasiju. U sałonach biełaruskich dyleraŭ «naš» Opel moža źjavicca ŭžo na praciahu miesiaca.
— Ja jašče raz chaču pierakanać tych, chto dumaje, što biełaruskaja zborka [aŭtamabilaŭ] —heta drenna, heta niadobra … Kali b my [«Junison»] nie prajšli aŭdyt jakaści GM, nie atrymali b dazvołu na zborku, — kiraŭnik pradpryjemstva Dźmitryj Jahoraŭ zapeŭnivaje: patrabavańni adzinyja dla ŭsich zavodaŭ, jakija ažyćciaŭlajuć zborku dla kancerna, — u jakoj krainie jany b ni byli raźmieščanyja.
Dla paŭnavartasnaha zapusku vytvorčaści kampanija kupiła, zmantavała i naładziła usio nieabchodnaje abstalavańnie dla pačatku zborki madeli, a taksama navučyła piersanał pryncypam vytvorčaści i kantrolu jakaści, pryniatym na zavodach «Dženierał Motarz» pa ŭsim śviecie.
Zborka Opel na «Junisonie» nie pieraškadžaje supracoŭnictvu pradpryjemstva z kancernam PSA Peugeot-Citroen: «Jany vydatna ŭžyvajucca na vytvorčych mahutnaściach zavoda».
Pieršaja partyja Opel Mokka ŭžo sabrana z mašynakamplektaŭ SKD (pastaŭlajucca z Paŭdniovaj Karei). Aŭtamabili adpraviacca na rasijski rynak — tam ciapier nie chapaje Opel.
— My pakul 100-adsotkava aryjentavany na Rasiju, — rastłumačyŭ žurnalistam staršynia naziralnaj rady SP ZAT «Junisan» Alaksiej Vahanaŭ.
— Aŭtamabili buduć źbiracca stroha pad zakaz … Nam patrebnyja dalary, nam patrebnyja rasijskija rubli … My nie Geely, u nas niama takich kitajskich hrošaj… u nas svaja niša, i my budziem u joj pracavać.
Dla biełaruskaha rynku aŭtamabil buduć vyrablać taksama pad zakaz dyleraŭ.
Płanujecca vypusk ŭsich prapanavanych siońnia na rasijskim rynku madyfikacyj aŭtamabila.
Zonaj adkaznaści «Junison» źjaŭlajecca vyklučna vytvorčaść aŭtamabilaŭ. Cenavaja palityka, rynki prodažaŭ, harantyjnaje i postharantyjnaje absłuhoŭvańnie źjaŭlajecca kampietencyjaj GM.
Rašeńnie nie vypuskać na junisonaŭskich mahutnaściach sabrany ŭ 2014 hodzie Opel Corsa akcyjanier pradpryjemstva tłumačyć prosta: «Heta było rašeńnie kancerna [GM]. Mašyna tannaja, dachodnaść minimalnaja. Nam prapanavali krychu bolš darahuju papularnuju madel — Mokka».
Nieaktualny dla «Junisana» i prajekt Samand — «Aŭtamabil ciažka vychodziŭ na rynak, ludzi jaho nie viedali, nie razumieli, nie žadali prymać»,— zatoje supracoŭnictva z Zotye budzie raźvivacca: iduć pieramovy z pradstaŭnikami kampanii ab pašyreńni madelnaha šerahu dla zborki šerahu.
Siońnia ŭ Biełarusi źbirajecca 10 madelaŭ lehkavych aŭtamabilaŭ: try Geely ŭ Barysavie; Samand, Zotye, Peugeot 301, 508, 3008, Partner i Opel Mokka.
Ab papularnaści Mokka, na dumku Vahanava, śviedčać i ličby prodažaŭ u Rasii: za 4 miesiacy hetaha hoda tam było pradadziena 2000 štuk. Na rasijskim rynku jość popyt na madel, biełarusy hatovyja hetuju patrebnaść zakryć: u siaredzinie sakavika GM abviaściŭ ab sychodzie z rasijskaha rynku brendu Opel da kanca śniežnia 2015 hoda, zavod GM Auto ŭ Sankt-Pieciarburhu ŭ siaredzinie hoda spynić vytvorčaść aŭtamabilaŭ.
«Junison» płanuje «zabrać» ź Piciera i premium: u kampanii pakul nie raskryvajuć płanaŭ całkam, ale pryznajuć, što baki viaduć pieramovy ab vytvorčaści madelaŭ premium-kłasa. Havorka moža iści ab luksovom pazadarožniku Cadillac Escalade.
Da 2017 hoda na «Junisonie» źjavicca cech zvarki i afarboŭki, što dazvolić pavialičyć stupień łakalizacyi niekatorych madelaŭ da 30% - pakul ža «maksimalna biełaruskim» byŭ Samand sa stupieńniu łakalizacyi 14%.
-
Rasijanin, jaki pieramoh u «Faktar.baj», sprabuje chucieńka pradać svoj pryz ad BT — usiedarožnik Belgee
-
Impart aŭto pryvatnikami raście, a ŭ dyleraŭ — padzieńnie prodažaŭ. Tamu dylery chočuć, kab było, jak u Rasii
-
Elektrabum u Biełarusi: Biełstat raskazaŭ, jak za hod vyrasła kolkaść elektramabilaŭ u biełarusaŭ
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić
Kamientary