U Biełarusi stvoranaje Nacyjanalnaje ahienctva pa kaśmičnych daśledavańniach
Rašeńniem prezidyuma Nacyjanalnaj akademii navuk Biełarusi (NANB) 21 maja stvorana Nacyjanalnaje ahienctva pa kaśmičnych daśledavańniach NANB, paviedamiŭ pieršy namieśnik staršyni prezidyuma akademii Siarhiej Čyžyk.
Pavodle jaho słoŭ, ahienctva pačnie pracavać na praciahu 10 dzion, u jaho ŭvojduć Centr hieainfarmacyjnych sistem NANB, Abjadnany instytut prablem infarmatyki. Akramia taho, ahienctva płanuje ščylna supracoŭničać i ź inšymi viedamstvami, u pryvatnaści ź Ministerstvam suviazi i infarmatyzacyi.
Miarkujecca, što novaja struktura budzie vyrašać usie pytańni, źviazanyja z daśledavańniem i vykarystańniem Biełaruśsiu kaśmičnaj prastory.
«Ahienctva dapamoža zrabić kaśmičnyja daśledavańni bolš efiektyŭnymi, — ličyć vučony. — Bo kožnaja z našych dziaržaŭ-partnioraŭ maje taki instytut. Taksama my pradoŭžym u miežach pracy ahienctva pracavać z našymi rasijskimi partniorami ŭ miežach sumiesnaj prahramy «Kosmas-SD».
Na dumku Čyžyka, ciapier važna zrabić u kaśmičnaj halinie nastupny krok — «stvaryć novuju kaśmičnuju hrupoŭku, novy spadarožnik». «My pavinny być u tonusie i praciahvać spravu. Napieradzie vialikaja rabota pa abhruntavańni hetych krokaŭ i pa farmiravańni dziaržaŭnaj kaśmičnaj prahramy», — padkreśliŭ jon.
-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
-
U Biełarusi prydumali, jak rabić žanočyja prakładki z kruchmału
Ciapier čytajuć
Łukašenka pra vyzvaleńnie palitviaźniaŭ: Chočuć zastacca ŭ Biełarusi — kali łaska6
Kamientary