Prynamsi ŭ myšej kafiein efiektyŭna źnižaje nastupstvy stresu.
Partuhalskija navukoŭcy apisali błakavańnie kafieinam receptaraŭ adenazinu A2A-typu ŭ časopisie Proceedings of the National Academy of Sciences. Takim čynam dakazanaje antystresavaje dziejańnie kafieinu, piša N+1.
Efiekt ad kafieinu na arhanizm padobny na efiekt ad adrenalinu — kava i harbata musili by padvyšać stres, a nie panižać. Tym nie mieniej, kavamany adznačali jakraz źnižeńnie stresu. Mahčyma, jany majuć racyju.
Daśledavańnie pravodziłasia na myšach — kab dakazać antystresavaje ŭździejańnie na ludziej, spatrebiacca dadatkovyja ekśpierymienty. Tym nie mieniej, myšam kafiein dapamoh spravicca sa stresam i dobra jeści.
Dźvie hrupy myšej try tydni padviarhali sistematyčnamu niepradkazalnamu stresu. Adna hrupa, što nie atrymlivała kafiein u napojach, zapavoliła nabor masy cieła, u mozhu myšej źnižałasia kolkaść sinaptyčnych suviaziej, adkaznych za pamiać i navučańnie. U hipakampie adznačałasia padvyšanaja kancentracyja receptaraŭ adenazinu A2A-typu. U myšej, što atrymlivali kavu, ničoha ź pieraličanaha nie nazirałasia.
Zatym častcy myšej zamiest kafieinu prapanavali «antahanista» receptaraŭ adenazinu A2A-typu, a častcy vydalili hien, adkazny za farmavańnie hetych receptaraŭ. Abiedźvie hrupy nie pakazali značnych nastupstvaŭ niepradkazalnaha stresu.
Nastupnyja daśledavańni mohuć pryvieści da stvareńnia mahutnaha antystresavaha srodku, što budzie dziejničać padobna da kafieinu.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki11
Kamientary