Pradaviec našyvak «DNR» i «Vietlivyja ludzi» z Homiela: ja užo vykinuŭ ich u śmietnicu
Vaŭkavyski fatohraf Uładzisłaŭ Mihdalonak zaŭvažyŭ nieadnaznačyja našyŭki ŭ kramie vajskovaj vopratki. Šaŭrony «Rasijski akupant», «DNR», «Kašu krop» dy inšaje ŭładalniki kramy źmiaścili ŭ supołcy Ukantakcie. Cana kožnaj — 70 tysiač.
Jeŭraradyjo dazvaniłasia da pradaŭca kramy Andreja, jaki pasprabavaŭ patłumačyć sens prodažu takoj atrybutyki.
Jeŭraradyjo: Vy sapraŭdy vystaŭlali hetyja šaŭrony na prodaž?
Andrej: Razumiejecie, u nas krama dla strajkbalistaŭ. Strajkboł — heta vajenna-taktyčnaja hulnia. Jana madeluje niejkija padziei, praduhledžvaje dva kanfliktnyja baki. U nas byli raniej šaŭrony Sierbii i Ałbanii, i chłopcy nabyvali ich. Ja sapraŭdy pryvioz niekalki šaŭronaŭ «Navarosija», «DNR»… Učora vykinuŭ Ukantakcie heta, źjaviłasia šmat kamientaroŭ.
Jeŭraradyjo: Ale ŭkrainskaj simvoliki niama…
Andrej: My zakupajemsia ŭ Rasii, tam, na žal, tolki simvolika, jakaja pradstaŭlaje rasijski punkt hledžańnia. Ja, naprykład, zajmaju niejtralny bok u hetym kanflikcie. Vinavaty i tyja, i tyja. My ŭžo heta prybrali i bolš vykładvać nie budziem.
Jeŭraradyjo: A nabyvali hetyja šaŭrony?
Andrej: Ciapier nie da taho, ciažkaje ekanamičnaje stanovišča ŭ ludziej. Za hetyja hrošy možna šapku nabyć. Moža, adnu štučku nabyli tolki. Ja razumieju, što pierahnuŭ pałku, bo kanflikt śviežy, paškadavaŭ užo, što heta zrabiŭ. Ščyra, ja užo vykinuŭ heta ŭ śmietnicu. Nie chaču niejkaj chvali ahresii i razumieju, što nie mieŭ racyi. I, darečy, hetaha bahata ŭ inšych kramach.
Potym mahazin prynios vybačeńni na svajoj staroncy UKantakcie
Kamientary