Studatradaŭcy «dobraachvotna» pieraličyli BRSM miljon dalaraŭ
«Biudžet Biełaruskaha respublikanskaha sajuza moładzi farmujecca ŭ asnoŭnym za košt uznosaŭ, jakija płacić kožny člen, a taksama za košt dziaržpadtrymki», — zajaviŭ druhi sakratar centralnaha kamiteta BRSM Siarhiej Kliševič.
Adna z krynicaŭ dachodaŭ — pastupleńni ad studenckich atradaŭ. Pavodle ŭkaza Alaksandra Łukašenki, rabotniki vyzvalajucca ad vypłaty padachodnaha padatku.
«Dla taho kab arhanizavać pracu studatrada, zakupić formiennuju vopratku, arhanizavać ekskursii i inšaj volny čas, patrebnyja srodki. Tamu my prapanujem udzielnikam budatradaŭ napisać zajavu, zhodna ź jakim jany pieraličvajuć nam 4% ad svajoj zarpłaty», - zajaviŭ pradstaŭnik moładzievaha sajuza.
U 2014 hodzie siaredni zarobak udzielnikaŭ studatradaŭ skłaŭ 4 miljony rubloŭ. Heta značyć, kožny rabotnik nakiravaŭ BRSM kala 160 tysiač rubloŭ.
Usiaho ŭ 2014 hodzie, pa słovach Kliševiča, u ruchu było zadziejničana 64 tysiačy čałaviek. Značyć, moładzievy sajuz atrymaŭ ad udzielnikaŭ studatradaŭ nie mienš za 10,2 miljarda rubloŭ ci krychu bolš za $1 miljon.
Kamientary