Bieśpiłotnaja mašyna Google upieršyniu trapiła ŭ avaryju z paciarpiełymi VIDEA
U horadzie Mauncin-Vju (Kalifornija, ZŠA) bieśpiłotnaja mašyna Google na bazie ŭsiedarožnika Lexus trapiła ŭ DTZ z paciarpiełymi, raspavioŭ na Medium dyrektar prahramy bieśpiłotnych mašyn Google Krys Amsan.
Bieśpiłotnaja mašyna spyniłasia na skryžavańni pierad śvietłaforam, zzadu ŭ jaje na chutkaści 30 km/h ŭrezałasia inšaja mašyna. Try pasažyry bieśpiłotnaj mašyny atrymali lohkija traŭmy.
Pasažyram bieśpiłotnaj mašyny nie spatrebiłasia špitalizacyja. Kiroŭca aŭto, što ŭrezałasia ŭ jaje, skardzicca na boli ŭ śpinie i šyi.
Jak pakazała rekanstrukcyja padziej, atrymanaja dziakujučy bartavomu kampjutaru bieśpiłotnaj mašyny, u aŭto, što ŭrezałasia ŭ jaje, było dastatkova času, kab zatarmazić. Google śćviardžaje, što niama pryčyn ličyć, što avaryja adbyłasia pa vinie bieśpiłotnaha aŭto.
Google pravodzić testy bieśpiłotnych mašyn užo šeść hod — jak na bazie aŭto inšych kampanij, tak i na svaich ułasnych mašynach. Za hety čas było zafiksavana 14 avaryj ź ich udziełam. Jak śćviardžaje Google, va ŭsich vypadkach vinavatymi byli nie bieśpiłotnyja mašyny, paciarpiełych raniej nie było.
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie40
Tramp zaprasiŭ Łukašenku ŭvajści ŭ Radu miru pa Hazie
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2626
Kamientary