Navapołacki kandydat Judajeŭ: Łukašenka byŭ błasłaviony tolki na 21 hod kiravańnia FOTA
Parad «kandydataŭ u kandydaty» praciahnuŭ žychar Navapołacka Alaksandr Judajeŭ. U jaho inicyjatyŭnaj hrupie 108 čałaviek.
«Jość peŭnyja mistyčna-histaryčnyja padziei, jakija kažuć pra toje, što ŭsio moža źmianicca. Jość praroctva, što Alaksandr Łukašenka byŭ błasłavionym biełaruskimi duchoŭnymi asobami na 21 hod kiravańnia», — patłumačyŭ Judajeŭ.
Jon skončyŭ Akademiju mastactvaŭ, raniej jon pracavaŭ fotakarespandentam u haziecie «Vieśnik Naftana», a ciapier uładkavaŭsia ŭ navapołacki Pałac kultury. U intervju «Narodnaj voli» Judajeŭ raskazaŭ, što zajmajecca padrychtoŭkaj i zdymkami raznastajnych filmaŭ.
Na minułych vybarach jon hałasaŭ za Niaklajeva, bo jamu padabajucca paety. Ciapier Judajeŭ nie bačyć dastojnych kandydataŭ, jakim možna było b addać hołas, tamu idzie na vybary sam.
Na dumku Judajeva, frykam, u šyrokim značeńni słova, možna nazvać kožnaha kandydata.
Ni da jakich palityčnych ruchaŭ Judajeŭ nie naležyć. Kaža, što adnosiny z Rasijaj pavinny zastavacca ŭ pryjarytecie. Aburajecca «naviazvańniem jeŭrapiejskich kaštoŭnaściaŭ».
Uzhadvajučy Płošču-2010, režysior kaža, što «było škada ludziej, jakija paciarpieli na papiarednich vybarach». Ale pry hetym harantuje niedatykalnaść Alaksandru Łukašenku. Hatovy prapanavać jamu pasadu premjer-ministra.
Kiraŭnica inicyjatyŭnaj hrupy Judajeva — Taćciana Buraja. Jana ščyra zasmuciłasia, kali daviedałasia, što 108 čałaviek naŭrad ci zmohuć sabrać patrebnyja 100 tysiač podpisaŭ.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram29
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary