Supracoŭnikami adździeła pa baraćbie z ekanamičnymi złačynstvami Leninskaha RUUS Minska vyjaŭlena złačynnaja schiema viadzieńnia buchhałteryi, pa jakoj były hałoŭnaja buchhałtarka ŭpraŭleńnia adukacyi, sportu i turyzmu administracyi Leninskaha rajona za 9 hadoŭ niezakonna prysvoiła tavarna-materyjalnych kaštoŭnaściaŭ amal na 340 młn rubloŭ.
Jak paviedamlaje ŭpraŭleńnie BEZ HUUS Minharvykankama, pracujučy ŭ administracyi, žančyna naładziła niaprostuju złačynnuju schiemu, pa jakoj niezakonna prysvojvała tavarna-materyjalnyja kaštoŭnaści.
Ustanoŭlena, što byłaja kiraŭnica z 1 listapada 2006 hoda pa 30 sakavika 2015 hoda praviała šerah ekanamična niemetazhodnych ździełak z roznymi subjektami haspadarańnia. Pry hetym afarmlała rachunak-faktury na roznyja hrupy tavaraŭ, jakija paźniej prysvojvała (pradukty charčavańnia, zapčastki na asabisty aŭtamabil, adzieńnie, budaŭničy materyjał, jaki byŭ vykarystany dla vytvorčaści ramontu va ŭłasnaj kvatery). Apłačvalisia hetyja tavary pa bieznajaŭnym raźliku z pazabiudžetnaha rachunku ŭpraŭleńnia, da jakoha tolki jana i mieła dostup.
Tavary, jakija atrymlivała byłaja buchhałtarka, nie stavilisia na buchhałtarski ŭlik i, adpaviedna, na bałans pradpryjemstva. Dziejničała žančyna va ŭsich vypadkach pa davieranaści ad imia ŭpraŭleńnia.
Prakuraturaj Leninskaha rajona Minska dziejańni byłoj słužbovaj asoby kvalifikavanyja pavodle č. 4 art. 210 KK (kradziež šlacham złoŭžyvańnia słužbovymi paŭnamoctvami, učynieny ŭ asabliva bujnym pamiery). Ciapier jana pakryła naniesieny ŭron poŭnaściu.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary