Klimkin: Krym vierniecca va Ukrainu raniej, jak mnohija čakajuć
Sankcyi suprać Rasii za anieksiju Kryma i stvoranaja joju situacyja na paŭvostravie zabiaśpiečać viartańnie aŭtanomii ŭ skład Ukrainy, zajaviŭ kiraŭnik MZS Ukrainy Pavieł Klimkin ŭ efiry «Svabody słova» na telekanale ICTV.
Pavodle jaho, anieksija Kryma parušyła mižnarodnyja pryncypy, tamu «sankcyi suprać Rasii za anieksiju Kryma nie zdymuć nikoli».
«Nichto nikoli nie budzie inviestavać u Krym, nichto nie pryjedzie ŭ Krym… Takim čynam Krym vierniecca va Ukrainu. I ja śćviardžaju, što heta adbudziecca značna raniej, jak mnohija čakajuć», — zajaviŭ Klimkin.
Ministr ličyć, što adsutnaść inviestycyj, karupcyja, bandytyzm i ŭskładnieńnie ekanamičnaj situacyi pazbaviać Rasiju prychilnikaŭ siarod ŭkrainskaha nasielnictva.
«Rana ci pozna, ale Rasija budzie vymušana sieści za stoł pieramovaŭ. I heta pytańnie nie tolki sankcyj, jakija nie buduć źniatyja nikoli pa aznačeńni. Heta budzie ekanamičnaja situacyja, kali nijakaje narmalnaje raźvićcio nie mahčyma. Heta toje, što tam adbyvajecca. Heta navat na fonie cełaj Rasii, chvala karupcyi i kryminału, jaki isnuje ŭ Krymie, jana padziejničaje aćviarozvajučy na tych, chto znachodzicca pad upłyvam rasijskaj prapahandy», — zapeŭniŭ ministr.
U toj ža čas Klimkin paviedamiŭ, što MZS Ukrainy padrychtavaŭ pakiet ekanamičnych sankcyj suprać Rasii za akupacyju Kryma, i jon chutka budzie padtrymany Kabinietam ministraŭ.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary