Kafiein zamiest kakainu. Dačka zabitaha narkabarona El Mienča kiruje kaviarniaj u Kalifornii
U «El Rynkonie» niama nijakich prykmiet arhanizavanaj złačynnaści, a internet-vodhuki ŭ asnoŭnym stanoŭčyja.
24‑hadovaja Łaiša Asiehiera, dačka El Mienča — niadaŭna zabitaha kiraŭnika Kartela novaha pakaleńnia Chaliska, — kiruje kaviarniaj u Kalifornii, prosta ŭ zvyčajnym handlovym centry, piša Bild.
U kaviarni «El Rynkon» (El Rincón — «Kutok») u handlovym centry ŭ paŭdniovaj Kalifornii, u horadzie Pierrys, usio vyhladaje miła i ŭtulna: nieonavaja filižanka ŭ vitrynie, sałodkija blinčyki na talerkach u formie serca i nadpisy krejdaj na doškach, jakija rekłamujuć łate ź piečyvam i kłubničnuju matču. Adnak, pavodle New York Post, ustanova naležyć dačce, mahčyma, kiraŭnika samaha niebiaśpiečnaha kartela ŭ śviecie.
El Mienča (sapraŭdnaje imia — Niemiesia Rubien Asiehiera Siervantes) byŭ kiraŭnikom viadomaha Kartela novaha pakaleńnia Chaliska (CJNG) — adnoj z samych žorstkich narkaarhanizacyj Mieksiki. Kartel pierapraŭlaŭ tony kakainu, hierainu, fientaniłu i mietamfietaminu ŭ ZŠA i Jeŭropu.
22 lutaha 59‑hadovaha narkabarona vyjavili padčas vajennaj apieracyi ŭ mieksikanskim štacie Chaliska. Ad atrymanych ranieńniaŭ jon pamior pa darozie ŭ balnicu. Jaho śmierć vyklikała napady Kartela pa ŭsioj krainie: zahinuli prynamsi 74 čałavieki.
Klijenty «El Rynkona» apisvajuć dačku narkabarona jak «miłuju» i «vietlivuju». Pra jaje sumna viadomaha baćku nikoli nie zachodziła razmova. Mieksikanskija ŚMI paviedamlajuć, što jana prysutničała tolki na jaho pachavańni.
Na fatahrafijach vidać maładuju dziaŭčynu sa śvietłymi vałasami i ciomnymi soniečnymi akularami kala załatoj truny.
Adnak žyćcio 24‑hadovaj dziaŭčyny, vierahodna, nie takoje prostaje: paviedamlajecca, što Łaiša Asiehiera zamužam za 39‑hadovym Kryścijanam Hućjeresam-Ačoa, aficeram CJNG. Jak śćviardžajecca, jon vykraŭ dvuch vajskoŭcaŭ mieksikanskaha fłotu ŭ adkaz na aryšt svajoj cieščy.
Kab paźbiehnuć aryštu, jon insceniravaŭ ułasnuju śmierć i ŭciok praz tunel z Tychuany ŭ ZŠA. U 2024 hodzie jaho aryštavali ŭ Kalifornii i prysudzili da adzinaccaci hadoŭ turmy za kantrabandu narkotykaŭ i admyvańnie hrošaj. Śćviardžajecca, što Łaiša dahetul žyvie ŭ domie, jaki jon kupiŭ za 1,2 młn dalaraŭ najaŭnymi.
U «El Rynkonie» niama nijakich prykmiet arhanizavanaj złačynnaści, a internet-vodhuki ŭ asnoŭnym stanoŭčyja. Adnak, kali vieryć adnamu z vodhukaŭ, u 2018 hodzie Łaiša Asiehiera adnojčy prajaviła ŭspyllivy charaktar svajho baćki — kinuŭšy napoj u žančynu.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary