Mahiloŭski aktyvist AHP uhledzieŭ ekstremizm u nadpisach z nazvami ŭkrainskich haradoŭ na aŭtamabili
Staršynia Mahiloŭskaj abłasnoj arhanizacyi Abjadnanaj hramadzianskaj partyi Uładzimir Šancaŭ patrabuje raspačynańnia kryminalnaj spravy ŭ dačynieńni da ŭładalnika aŭtamabila, na škle jakoha napisana «Sievastopal Danieck Łuhansk Adesa» i naklejena šyrokaja hieorhijeŭskaja stužka.
«H.zn. atrymlivajecca, uziali Sievastopal, uziali Łuhansk, uziali Danieck, ciapier źbirajucca ŭziać Adesu. Heta nadpis suprać Ukrainy. Heta ekstremizm», — zajaviŭ Šancaŭ. Pavodle jaho słoŭ, 4 žniŭnia jon paviedamiŭ u milicyju pra aŭtamabil «Piežo-308» ź dziaržnumaram 7739 JEM-6, na jakim ubačyŭ naklejki, što vyklikali niehatyŭnuju reakcyju. Adnak u milicyi spačatku nie pastavilisia surjozna da słoŭ hramadskaha aktyvista. «Raniej nas tarmazili za naklejku «Stop padatak!» i ŭsich štrafavali. Tut ža pałova škła zakrytaja naklejkami, choć pavodle praviłaŭ darožnaha ruchu heta zabaroniena, i nijakaj reakcyi», — adznačyŭ Šancaŭ.
Zhodna sa słovami aktyvista, viečaram taho ž dnia jon usio ž byŭ vyklikany da ŭčastkovaha, jaki paviedamiŭ, što pa jaho zvarocie byŭ apytany ŭładalnik aŭtamabila, jaki pryciahnuŭ uvahu. «Učastkovy paviedamiŭ, što ŭ milicyi da hetaha hramadzianina pretenzij niama», — skazaŭ Šancaŭ. Paśla hetaha jon vyrašyŭ napisać zajavu z patrabavańniem raspačać kryminalnuju spravu ab raspalvańni mižnacyjanalnaj varožaści.
Jak paviedamili va UUS Mahiloŭskaha abłvykankama, u dačynieńni da ŭładalnika aŭtamabila, jaki raźmiaściŭ naklejki na škle svajho transpartnaha srodku, raspačata pravierka adnosna mahčymaha parušeńnia im Pravił darožnaha ruchu.
Pavodle artykuła 194.13 Praviłaŭ darožnaha ruchu zabaraniajecca ŭdzieł u darožnym ruchu transpartnaha srodku sa źniešnie bačnymi naklejkami (malunkami), akramia tych apaznavalnych znakaŭ transpartnych srodkaŭ, što raźmiaščajucca va ŭstanoŭlenym paradku, dazvołu na dopusk transpartnaha srodku da ŭdziełu ŭ darožnym ruchu, rekłamy, infarmacyi ab prynaležnaści transpartnaha srodku adpaviednaj arhanizacyi (indyvidualnamu pradprymalniku).
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary