Maskva pastavić Tehieranu zienitna-rakietnyja kompleksy S-300 da kanca 2015 hoda, paviedamiła ria.ru sa spasyłkaj na infarmavanuju krynicu ŭ rasijskim MZS.
U zaležnaści ad rakiety moža źbivać celi na dalnaści da 200 km i na vyšyni da 27 km.
Usiaho Isłamskaja Respublika atrymaje try dyvizijony S-300, jak heta było prapisana ŭ kantrakcie, zaklučanym u 2007 hodzie, paviedamiŭ čynoŭnik. Raniej ministr abarony Irana Chasiejn Dechhan zajaviŭ, što Iran atrymaje madernizavanuju viersiju S-300 u paraŭnańni z toj, jakaja była praduhležanaja ŭ kantrakcie 2007 hoda. Pastaŭka była zatrymanaja ŭ suviazi z padazreńniami, što Iran raspracoŭvaje atamnuju zbroju.
Izrail i jahony hałoŭny sajuźnik ZŠA ličać niebiaśpiečnymi pastaŭki mahutnych zienitnych sistem Tehieranu, bo ličać bambiožku iranskich atamnych abjektaŭ mahčymym apošnim srodkam, kab pakinuć isłamisckuju dziaržavu biez zbroi masavaha źniščeńnia.
Mienš čym hod tamu Izrail razbambiŭ siryjskija vajskovyja abjekty, u jakich, jak paviedamlali izrailskija ŚMI, mahli znachodzicca pradanyja Damasku rasijskija kompleksy S-300.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary