Kandydat u prezidenty Alaksandr Łukašenka nie pryjšoŭ na rehistracyju ŭ Centrvybarkam. U hety čas jon sustrakaŭsia ź bijatłanistkaj Darjaj Domračavaj.
Kiraŭnik dziaržavy pacikaviŭsia, jak idzie padrychtoŭka da bijatłonnaha fiestyvalu «Honka lehiend — Zorki bijatłona za mir», jakaja adbudziecca ŭ subotu, 12 vieraśnia, u Respublikanskim centry alimpijskaj padrychtoŭki pa zimovych vidach sportu «Raŭbičy», paviedamiła pres-słužba Łukašienki.
Darja Domračava raspaviała, što «Raŭbičy» hatovyja pryniać jak spartsmienaŭ, tak i amataraŭ hetaha vidu sportu. «Dumaju, usie našy zaŭziatary zasłužyli takoje śviata. Chočacca ŭsio pravieści dušeŭna dla zaŭziataraŭ, pakazać usie svajo vietlivaść», — adznačyła bijatłanistka. Pavodle jaje słoŭ, hety fiestyval dapamoža vyjavić i mahčymyja słabyja miescy ŭ arhanizacyi, što dazvolić u dalejšym pry zajaŭkach na praviadzieńnie bolš bujnych turniraŭ nie dapuskać prablemnych situacyj.
Alaksandr Łukašenka i Darja Domračava abmianialisia taksama mierkavańniami ab stanie spraŭ u nacyjanalnaj kamandzie pa bijatłonie.
Padčas sustrečy Darja Domračava ŭručyła Łukašenku kopiju vialikaha Kryštalnaha hłobusa.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki24
Kamientary