Jašče raz pra tyja samyja dyski: NeuroDubel. «Stasi».
Jašče raz pra tyja samyja dyski: NeuroDubel. «Stasi».
Saša sabraŭ kamandu ŭ mocny mužčynski kułak. Hučańnie taksama stała kankretnym, «muskulistym», źjaviłasia «prycelnaść», dakładnaść, asabliva ŭ rytm-sekcyi (Sašu, napeŭna, ŭžo dastali paraleli z «Rammstein»?). Na žal, u pieśniach zaŭvažna pamienšała melodyki — niešmatlikija bek-vakały Jury Navumava tolki heta padkreślivajuć.
Bajcoŭskaja ŭśmieška -- pačatak «Pryjšoŭ naš čas, vitajcie nas!». «Dieduška» («Chripłyj Dieduška Moroz nam podarki nie donios») -- niadziŭna, što z takimi pieśniami ŭsio ciažej, z ułasnych słovaŭ Sašy, dajucca kancerty... Padkupaje suvoraja mužčynskaja adkrytaść, ź jakoj Saša nazyvaje rečy svaimi imionami ŭ «Hadzinie» («A Vy hotovy otdať kopiejki na etu ch***iu?»). Pankaŭskaja estetyka ŭ «Pić» i «Suki» («Piť nie chotieła, ruki nie dla skuki, ja zdieś po diełu, čto ž Vy diełajetie, suki?»). Ściobnaja, amal tancavalnaja «Pidarasy». Spaviadalnaja «Tryvaju» — («Ja tryvaju, dy nia płaču») — nasamreč, Saša, jak heta ŭsio nas za.... U samaj mocnaj pieśni «Kraj» — uvieś bol isnavańnia ŭ RB, z vynikam «škada, što ja pražyŭ daremna». U klipie partajhienose Saša škamutaje naiŭnyja prašeńni, i zdajecca, što pieśnia pra kraj, pa jakim usie my chodzim, kraj laza, jakim parezanaja Sašyna śpina... Nazirajem, jak liryka stanovicca bolš akrutnaj dy jak zhuščajucca farby i ŭ mulciašnaj «Kieni» («oni ubili Kieni», paraŭnajcie z pazaminułym albomam, dzie ŭ Karłsana ŭsiaho tolki skrali kambinezon).
Zaviaršajuć albom kaver «Čiornyje hłaza» (10 bałaŭ za ideju!), himnapadobnaja «Svaboda» («Svabodu nie addam nikomu, svabodu nie addaść nichto mnie»), zaspakajnialnaja «I tak možna žyć».
«A možiet, tak i za***ś?»
Heta taksama całkam miascovy pradukt, ale nia ŭ tym sensie, što «J-mors». Kožnaje słova ad dušy. Kožnamu słovu vierycca. ND — hurt z tvaram, jaki b jon ni byŭ -- ni z kim nia zbłytaješ.
Kali tak pojdzie dalej, to na pytańnie «Što jość u Biełarusi?» možna budzie śmieła adkazvać – Łukašenka, Čarnobyl i «NeuroDubel».
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary