Delehacyja jeŭrakamisaraŭ nakiroŭvajecca ŭ Turcyju, kab łabiravać prajekt pahadnieńnia ab sumiesnaj dziejnaści ŭ pytańni mihrantaŭ.
Jak paviedamlaje »Jeŭrapiejskaja praŭda» sa spasyłkaj na BBC, pradstaŭniki ES spadziajucca zaklučyć takoje pahadnieńnie ŭžo 15 kastryčnika, ale pytańnie było adkładzienaje na try dni ŭ suviazi z nacyjanalnaj žałobaj u Turcyi paśla subotnich vybuchaŭ u Ankary.
Turcyja ličycca miescam znachodžańnia kala dvuch miljonaŭ mihrantaŭ, bolšaść ź ich ratujucca ad vajny ŭ susiedniaj Siryi.
U abmien na pavieličeńnie supracoŭnictva ź ES Turcyja moža atrymać peŭnyja lhoty, u pryvatnaści, abmiarkoŭvajecca mahčymaść uviadzieńnia biaźvizavaha režymu dla tureckich hramadzian u krainach šenhienskaj zony.
Ale pa słovach prezidenta Jeŭrapiejskaha Savieta Donalda Tuska, ilhoty buduć davacca tolki ŭ vypadku, kali dziejańni Turcyi sapraŭdy dapamohuć pamienšyć rekordny prytok mihrantaŭ.
Tusk zaniepakojeny tym, što viasnoj 2016 ES čakaje jašče bolšaja chvala mihrantaŭ.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary