U paniadziełak kala 14:00 uzbrojeny mužčyna zastreliŭ namieśnika kiraŭnika administracyi Krasnahorskaha rajona Maskoŭskaj vobłaści Juryja Karavułava i kiraŭnika haradskich elektrasietak Hieorhija Katlarenku.
Aficyjny pradstaŭnik Śledčaha kamiteta Rasii Uładzimir Markin zajaviŭ, što śledstva viedaje imia mierkavanaha zabojcy padmaskoŭnych čynoŭnikaŭ — pa jaho słovach, heta miascovy pradprymalnik, jaki zajmajecca budaŭnictvam abjektaŭ na terytoryi Krasnahorskaha rajona.
Pa słovach Markina, pradprymalnik, jaki byŭ doŭhi čas znajomy z Karavułavym, u abiedzienny čas uvajšoŭ da jaho ŭ kabiniet, i pamiž imi pačałasia hutarka. Zatym Karavułaŭ paprasiŭ svajho sakratara zaprasić kiraŭnika AAT «Krasnahorskaha elektryčnaja sietka» Katlarenku. Pamiž mužčynami pačałasia słoŭnaja svarka.
Zatym, jak raspavioŭ Markin, biznesmen zapatrabavaŭ ad sakratara Karavułava zaprasić u kabiniet svajho kiroŭcu, jaki ŭvajšoŭ tudy ź vialikaj torbaj.
Pa viersii śledstva, padazravany «dastaŭ z hetaj torby zbroju, padobnuju na aŭtamat albo vintoŭku «Sajha» i pasprabavaŭ strelić ź jaje, adnak zbroju zaklinavała, i tady padazravany zrabiŭ niekalki strełaŭ ź pistaleta, jak miarkujecca, kalibra 9 mm u Karavułava i Katlarenku, ad jakich jany pamierli na miescy zdareńnia».
Zatym napadnik razam z kiroŭcam schavalisia ź miesca zdareńnia, jak miarkujecca, na aŭtamabili «Rendž Rovier».
Jak padkreśliŭ Markin, u jakaści pryjarytetnaj śledstvam razhladajecca viersija ab tym, što zabojstva mahło być źviazana z vykanańniem zahinułymi svaich słužbovych abaviazkaŭ.
Pa fakcie zdareńnia raspačataja kryminalnaja sprava pa artykule «zabojstva». Uviedzieny ŭ dziejańnie płan «Sirena», paviedamlajuć u palicyi.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie21
Kamientary