Pra pieršyja niezvarotnyja straty vojsk RF u Siryi paviedamiŭ čynoŭnik z atačeńnia Asada
Jak minimum troje rasiejcaŭ, jakija vajavali na baku vojskaŭ prezidenta Siryi Bašara Asada, zahinuli, a jašče niekalki atrymali ranieńni ŭ vyniku artyleryjskaha abstrełu ŭ pravincyi Łatakija.
Pra heta paviedamiła ahienctva Reuters, spasyłajučysia na vysokapastaŭlenuju krynicu ŭ vojsku Asada.
Hetyja dadzienyja mohuć śviedčyć pra pieršyja bajavyja straty rasijskaha vajskovaha kantynhientu, jaki prezident RF Uładzimir Pucin nakiravaŭ na dapamohu svajmu chaŭruśniku ŭ kancy vieraśnia.
Aficyjnyja pradstaŭniki RF i Siryi admovilisia ad kamientaroŭ, piša Reuters.
Jak minimum 20 rasiejcaŭ znachodzilisia na pazicyjach u rajonie Nabi Junis, kali ich abstralali bajeviki, paviedamiła krynica Reuters.
Kreml zajaŭlaŭ, što rasijskija vojski nie viaduć naziemnych bajavych dziejańniaŭ u Siryi, adnak dziejničajuć jak instruktary i daradčyki, a taksama abaraniajuć rasijskija bazy.
Kamientary