Pa mienšaj miery dva pavietranyja ŭdary pa terytoryi siryjskaj pravincyi Choms, jakija byli naniesienyja 15 kastryčnika, jak ličać miascovyja žychary, rasijskaj avijacyjaj, vidać, źjaŭlajucca parušeńniem zakonaŭ vajny, havorycca ŭ apublikavanym u niadzielu, 25 kastryčnika, dakładzie mižnarodnaj pravaabarončaj arhanizacyi Human Rights Watch.
Pa słovach miascovaha žychara, na jakoha spasyłajucca pravaabaroncy, u vyniku avijaŭdaraŭ zahinuli 59 cyvilnych asob, u tym liku 33 dziciaci i kamandzir miascovaj uzbrojenaj apazicyjnaj hrupy.
Samym śmiarotnym staŭ avijaŭdar, pad jaki trapiŭ dom u vioscy Hanta, dzie chavałasia siamja Asaf - svajaki adnaho z kamandziraŭ apazycyjnaj «Siryjskaj svabodnaj armii» Abu al-Abasa. Pa dadzienych vidavočcaŭ, zahinuli 46 čałaviek, u tym liku 32 dziciaci i 12 žančyn.
Usie zahinuŭšyja byli mirnymi žycharami, dom znachodziŭsia ŭdalečyni ad linii frontu i tam nie było vajskoŭcaŭ, a sam al-Abas byŭ na pieradavoj, śćviardžajuć pravaabaroncy.
Sa spasyłkaj na fatahrafii ź miesca padziej HRW paviedamlaje, što dom, vidać, byŭ razburany «vakuumnaj bombaj», straty ad jakoj bolšyja, čym ad zvyčajnych avijabombaŭ takoha ž pamieru.
U vyniku ŭdaru pa nasielenym punkcie Cier-Maalech była razburana miascovaja piakarnia, zahinuli 13 mirnych žycharoŭ, a taksama adzin z palavych kamandziraŭ «Siryjskaj svabodnaj armii», śćviardžaje HRW.
15 kastryčnika siryjskaje dziaržaŭnaje radyjo paviedamlała, što avijaŭdary pa pazicyjach terarystaŭ u Hanta i Cier-Maalechu nanosili «abjadnanyja» siły Rasii i Siryi, nahadvaje CNN. Miascovyja žychary ŭpeŭnienyja, što ŭdary nanosili rasijskija samaloty, bo «ich huk adroźnivajecca ad siryjskich, i, akramia taho, jany lotajuć značna vyšej».
Rasieja pavinna rasśledavać toje, što adbyłosia, ličać u Human Rights Watch.
Maskva raniej nieadnarazova adchilała abvinavačvańni ŭ hibieli mirnych žycharoŭ u vyniku avijaŭdaraŭ pa terytoryi Siryi, nazyvajučy takija zajavy elemientami infarmacyjnaj vajny.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary