Kolkaść zarehistravanych biespracoŭnych u Minsku na kaniec vierasień 2015 skłała 6,5 tys. čałaviek, što ŭ 3,8 razy bolš, čym na kaniec vieraśnia 2014 hoda, ale na 2,3% mienš, čym na kaniec žniŭnia 2015 hoda. Pra heta paviedamiła hałoŭnaje statystyčnaje ŭpraŭleńnie Minska sa spasyłkaj na kamitet pa pracy, zaniatasci i sacyjalnaj abaronie Minharvykankama.
Uzrovień zarehistravanaha biespracoŭja na kaniec vieraśnia 2015 hoda skłaŭ 0,6% ekanamična aktyŭnaha nasielnictva (na kaniec vieraśnia 2014 hoda — 0,2%).
U ekanomicy horada Minska ŭ vieraśni 2015 było zaniata 1 młn 79,8 tys. čałaviek, što na 0,7% mienš, čym u vieraśni 2014 hoda.
Arhanizacyjami (biez subjektaŭ małoha pradprymalnictva) u vieraśni 2015 było pryniata na pracu 19,4 tys. čałaviek (2,9% siaredniemiesiačnaj kolkaści), u tym liku na dadatkova ŭviedzienyja pracoŭnyja miescy — 1,1 tys. čałaviek, abo 5,7 % ad ahulnaj kolkaści pryniatych.
Zvolniena pa roznych pryčynach 15,8 tys. čałaviek (2,4% siaredniemiesiačnaj kolkaści), ź ich 3,9% było zvolniena za prahuł i inšyja parušeńni pracoŭnaj dyscypliny, 0,5% — u suviazi sa skaračeńniem kolkaści abo štatu rabotnikaŭ, likvidacyjaj arhanizacyj.
Kaeficyjent zamiaščeńnia rabotnikaŭ (staŭleńnie liku pryniatych da liku zvolnienych) u vieraśni 2015 skłaŭ 1,226 (u vieraśni 2014 hady — 1,228).
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?3
Kamientary