Pucin ratyfikavaŭ pakiet mihracyjnych pahadnieńniaŭ pamiž Biełaruśsiu i Rasijaj

Prezident Rasii Uładzimir Pucin padpisaŭ zakon ab ratyfikacyi pratakoła, jaki pavialičvaje termin vyzvaleńnia hramadzian Biełarusi i Rasii ad rehistracyi ŭ kampietentnych orhanach pa miescy znachodžańnia z 30 da 90 dzion. Dakumient apublikavany na rasijskim aficyjnym partale pravavoj infarmacyi.

Pratakoł ratyfikavany Dziarždumaj Rasii 23 kastryčnika, a zatym 28 kastryčnika — Savietam Fiederacyi.

Pratakoł ab uniasieńni źmianieńniaŭ u pahadnieńnie pamiž Biełaruśsiu i Rasijaj ab zabieśpiačeńni adnolkavych pravoŭ hramadzian dźviuch krain na svabodu pieramiaščeńnia, vybar miesca znachodžańnia i žycharstva na terytoryjach dziaržaŭ - udzielnic Sajuznaj dziaržavy padpisany ŭ Maskvie 3 sakavika 2015 hoda. Akramia pavieličeńnia terminu vyzvaleńnia ad rehistracyi dakumientam praduhledžvajecca mahčymaść adnarazovaha ŭjezdu hramadzian adnaho boku pry pieramiaščeńni z trecich krain na terytoryju druhoha boku i vyjezdu ź jaho terytoryi ŭ dziaržavy hramadzianstva pa dakumientach, termin dziejańnia jakich skončyŭsia, a taksama vyjezdu niepaŭnaletnich hramadzian adnaho boku ŭ trecija dziaržavy z terytoryi druhoha boku ŭ paradku, praduhledžanym zakanadaŭstvam dziaržavy hramadzianstva.

Akramia taho, pratakołam udakładniajecca termin razhladu kampietentnymi orhanami zajaŭ ab atrymańni dazvołu na pastajannaje pražyvańnie (vydačy paśviedčańnia na prava žycharstva): ciapier jon nie pavinien pierasiahać try miesiacy.

Pradastaŭlenyja dakumientam prefierencyi šyrejšyja, čym źmieščanyja ŭ dahavory ab Jeŭrazijskim ekanamičnym sajuzie, i raspaŭsiudžvajucca na ŭsich hramadzian Sajuznaj dziaržavy niezaležna ad mety ŭjezdu.

Taksama jon padpisaŭ zakon ab ratyfikacyi biełaruska-rasijskaha pahadnieńnia ab uzajemnym pryznańni admoŭ na ŭjezd inšaziemcaŭ. 

Pahadnieńnie zaklučana ŭ metach raźvićcia ahulnaj mihracyjnaj prastory pamiž Biełaruśsiu i Rasijaj, zychodziačy z uzajemnaj zacikaŭlenaści ŭ praduchileńni ŭjezdu na terytoryju dziaržaŭ — udzielnic pahadnieńnia asob, jakija nie majuć na toje zakonnych padstaŭ.

Dakumientam ustanaŭlivajecca, što rašeńni ab admovie va ŭjeździe zamiežnaj asobie abo asobie biez hramadzianstva na terytoryju Rasii abo terytoryju Biełarusi abo ab pryznańni jaje niepažadanaj asobaj na terytoryi hetaj dziaržavy, pryniatyja ŭpaŭnavažanymi orhanami dziaržavy adnaho boku, pryznajucca ŭ jakaści padstaŭ dla admovy takoj asobie va ŭjeździe, vydačy vizy dla ŭjezdu na terytoryju dziaržavy inšaha boku abo skaračeńnia terminu časovaha znachodžańnia na terytoryi dziaržavy inšaha boku.

Pry hetym u paviedamleńni ahavorvajecca, što kampietentny orhan dziaržavy adnaho boku maje prava dazvolić ujezd i znachodžańnie na terytoryi svajoj dziaržavy zamiežnamu hramadzianinu, u adnosinach da jakoha ŭpaŭnavažanym orhanam dziaržavy inšaha boku pryniata rašeńnie ab admovie va ŭjeździe, paviedamiŭšy ab hetym u kampietentny orhan inšaha boku.

Jašče adzin padpisany zakon — ab paradku abmienu źviestkami ab hramadzianach dźviuch krain, u adnosinach da jakich dziejničajuć abmiežavańni na vyjezd. 

Pahadnieńniem ustanaŭlivajecca, što abmien źviestkami budzie ažyćciaŭlacca ŭ metach niedapuščeńnia vyjezdu ŭ trecija dziaržavy hramadzian Biełarusi i Rasii, u adnosinach da jakich dziejničajuć abmiežavańni na vyjezd, i praduchileńnia pahrozy nacyjanalnaj i hramadskaj biaśpiecy.

Padstavaj dla admovy ŭ vyjeździe ŭ trecija krainy hramadzian Biełarusi i Rasii, u adnosinach da jakich dziejničajuć abmiežavańni na vyjezd, źjaŭlajecca najaŭnaść adpaviednych źviestak u aŭtamatyzavanych sistemach dźviuch dziaržaŭ.

Kampietentnymi orhanami pa realizacyi pahadnieńnia źjaŭlajucca MUS Biełarusi i Fiederalnaja mihracyjnaja słužba Rasii. Kampietentnyja orhany abaviazany zabiaśpiečvać kanfidencyjalnaść źviestak, atrymanych na padstavie hetaha pahadnieńnia.

• 0
• 0
• 0
• 0
• 0
• 0
• 0
• 0