Prezident ZŠA Barak Abama pavinšavaŭ prezidenta Mjanmy i byłoha kiraŭnika vajennaj chunty Tejn Siejna z praviadzieńniem «svabodnych i sumlennych vybaraŭ» u minułuju niadzielu.
Na ŭsieahulnych vybarach u Mjanmie apazicyjnaja partyja «Nacyjanalnaja liha za demakratyju» nabrała amal 90% hałasoŭ vybarščykaŭ. Lidar Lihi, łaŭreat Nobieleŭskaj premii miru Aun San Su Čžy zajaviła, što ŭ jaje partyi budzie dastatkova hałasoŭ, kab sfarmavać pieršy ŭ historyi krainy demakratyčny ŭrad.
Kiraŭnictva armii Mjanmy ŭžo paviedamiła na svajoj staroncy ŭ «Fejsbuku» ab hatoŭnaści supracoŭničać z novym uradam krainy.
Mižnarodnyja naziralniki ŭ cełym stanoŭča acanili praviadzieńnie vybaraŭ. Prezident Tejn Siejn paabiacaŭ ažyćciavić mirnuju pieradaču ŭłady novamu ŭradu.
Pavodle kanstytucyi krainy, Aun San Su Čžy nie zmoža zaniać pasadu prezidenta, tak jak jaje apošni muž - brytaniec, a ŭ synoŭ zamiežnyja pašparty. Adnak zajaviła, što ŭ jaje budzie mahčymaść prymać klučavyja rašeńni.
«Nacyjanalnaja liha za demakratyju» užo vyjhravała vybary ŭ Birmie (ciapierašniaja Mjanma) ŭ 1991 hodzie, ale vyniki vybaraŭ byli anulavanyja vajennaj chuntaj, a Aun San Su Čžy była aryštavanaja. U ahulnaj składanaści jana praviała ŭ turmie i pad chatnim aryštam kala 15 hadoŭ.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary