U Krymie ŭvodziać hrafiki adklučeńnia elektryčnaści i vady dla nasielnictva, paviedamiŭ žurnalistam pieršy vice-premjer samaabvieščanaha ŭrada Kryma Michaił Šaramiet, jaki ŭznačaliŭ kamisiju pa likvidacyi NS.
«Viejernyja adklučeńni, na žal, buduć pa ŭsim paŭvostravie. Paźbiehnuć hetaha nam nie ŭdasca. U bližejšy čas usie hrafiki buduć daviedzieny da nasielnictva», — skazaŭ jon žurnalistam.
U ministerstvie paliva i enierhietyki Kryma abiacajuć davodzić hrafiki adklučeńnia da nasielnictva kožnyja dźvie hadziny.
Hetaj nočču Krym zastaŭsia biez pastavak elektraenierhii z Ukrainy, u 00:22 va ŭsich jaho nasielenych punktach pahasła śviatło. Pavodle infarmacyi z Kijeva, pryčynaj hetaha stali padryvy linij elektrapieradač, jakija viaduć na paŭvostraŭ.
U 01:42 ŭłady Kryma ŭviali režym nadzvyčajnaj situacyi. Usie sacyjalnyja abjekty paŭvostrava padłučanyja da reziervovych krynic siłkavańnia.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary