Amierykanski partał Baby Center vyśvietliŭ, što ŭ hetym hodzie baćki ŭsio čaściej stali davać svaim dzieciam imiony, jakimi nazvanyja filtry dla apracoŭki fatahrafij u Instagram.
Sajt sabraŭ dadzienyja 340 tysiač baćkoŭ i vyjaviŭ asnoŭnyja tendencyi, piša News.com.au. Trend raspaŭsiudziŭsia na takija imiony, jak Luks (Lux), Džuna (Juno), Rejs (Reyes), Ludvih (Ludwig), Amara (Amaro), Valensija (Valencia), Uiłaŭ (Willow). Usie jany źjaŭlajucca nazvami filtraŭ u sacyjalnaj sietcy. Siarod chłopčykaŭ imia Luks stała sustrakacca na 75% čaściej, čym u minułych hadach. Ludviham stali nazyvać na 42% bolš niemaŭlataŭ, Amara — na 26%, a Rejs — na 10%.
Dla dziaŭčynak chutčej za astatnich pačatało nabirać papularnaść imia Džuna. Tak u 2015 hodzie nazvali na 30% bolš dziaciej. Papularnaść imia Valensija ŭzrasła na 26%, a Uiłaŭ — na 13%.
Dla składańnia rejtynhu sajt vykarystaŭ svaju bazu dadzienych i infarmacyju, pradstaŭlenuju ministerstvam achovy zdaroŭja i sacyjalnych słužbaŭ ZŠA.
U listapadzie 2015 hoda paviedamlałasia, što ekśpiert pa imionach Łora Uotenbierh z ZŠA praviała daśledavańnie, u vyniku jakoha vyśvietliłasia, što samym papularnym imiem u śviecie źjaŭlajecca Safija. Tak palubili nazyvać dziaŭčynak u dzieviaci krainach, uklučajučy Mieksiku, Italiju i Ukrainu. U ZŠA hetaje imia — treciaje pa papularnaści, jašče ŭ 20 dziaržavach jano znachodziłasia na druhim abo trecim miescach.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary