Što viadoma pra hrodzienca, jaki zahinuŭ za «Isłamskuju dziaržavu»

Navinu pra śmierć 33-hadovaha Dzianisa Vasiljeva 1 śniežnia raspaŭsiudzili kurdskija ŚMI. Uradženiec Biełarusi byŭ zabity ŭ bai na irakska-siryjskaj miažy, kudy vyjšli kurdy pry padtrymcy siłaŭ ZŠA paśla vyzvaleńnia horada Sindžar.

Kurdy nazvali Vasiljeva «čačencam ź Biełarusi» i ŭdakładnili, što «adnym aŭstryjskim terarystam stała mienš», bo zabity mieŭ vid na žycharstva ŭ hetaj krainie.

Dzianis Vasiljeŭ atrymaŭ prytułak u Aŭstryi dziesiać hadoŭ tamu. Jon pasialiŭsia ŭ Brehiency, stalicy fiederalnaj ziamli Forarlbierh. Heta horad na zachadzie krainy, na samym bierazie Badenskaha voziera.

«Amal dziesiać hadoŭ hety čałaviek žyŭ u Forarlbierhu, mieŭ elektronnuju kartku, naviedvaŭ stamatołaha, braŭ udzieł u mierapryjemstvach. Ciapier Deni Vasiljeŭ pamior», — piša aŭstryjskaja hazieta Vorarlberger Nachrichten. 

Siarod dakumientaŭ, znojdzienych pry zabitym — elektronnyja kartki, vizitoŭka stamatołaha ŭ Brehiency, paśviedčańnie kiroŭcy aŭtakrana, sim-kartka, a taksama kartka stambulskaha hatela. Na joj ad ruki zrobleny nadpis na ruskaj movie.

Pavialičyć

Pavialičyć

Na identyfikacyjnych kartkach zabitaha jaho imia napisanaje pa-roznamu. Na adnoj jon Dzianis Vasiljeŭ (Dzianis Vasilyeu) u biełaruskaj tranśliteracyi, na inšaj – Deni Vasiljeŭ (Deni Vasiljev). Heta nadpis zrobleny ŭ rasijskamoŭnaj tranśliteracyi.

Pavialičyć

Vasiljeŭ naradziŭsia 9 žniŭnia 1982 hoda ŭ Hrodnie. U 2004 hodzie jon paprasiŭ prytułak u Aŭstryi.

U 2010 hodzie imihrant trapiŭ na staronki haziet. Jaho sfatahrafavali ŭ formie pamiežnika jak udzielnika dnia biežanca. Na fotazdymku jon padpisany jak vachcior. Aŭstryjskija ŚMI tady nazyvali jaho Deni Vasiljeŭ (Deni Vasiljev).

Jon fihuravaŭ u presie jak asoba, jakaja šukaje prytułku. U nastupnyja hady Vasiljeŭ atrymaŭ u Aŭstryi vid na žycharstva.

U tym ža 2010 hodzie jon skončyŭ kursy kiroŭcaŭ aŭtakranaŭ i pahruzčykaŭ, pryčym vučyŭsia biaspłatna, za košt aŭstryjskaj kampanii.

«Hetaja inicyjatyva zaklikana dapamahčy ŭ pošukach pracy tym, chto šukaje prytułku, dazvolić im adčuvać siabie jak doma. Amal va ŭsich vypadkach heta pracuje. Ale nie ŭ vypadku Dzianisa Vasiljeva», — padsumoŭvaje aŭstryjskaja hazieta.

Kurdskija ŚMI adznačajuć, što jon pryjechaŭ u Turcyju z Hiermanii. Spyniŭšysia ŭ hateli ŭ Stambule, Vasiljeŭ nieŭzabavie nakiravaŭsia ŭ Siryju praz kavałak miažy, kantralavany Turcyjaj i Isłamckaj dziaržavaj. Ź Siryi jon adpraviŭsia ŭ Irak, dzie ŭ 2014 hodzie dałučyŭsia da bajavych dziejańniaŭ.

Pavialičyć

• 0
• 0
• 0
• 0
• 0
• 0
• 0
• 0