Nianaviść adeptaŭ isłamu da amierykancaŭ dasiahnuła niebiaśpiečnaj miažy, što moža pryvieści da vypadkaŭ fizičnaj raspravy. U padobnych abstavinach časova patrabujecca «tatalnaja i poŭnaja izalacyja» ŭsich musulman, jakija ŭjazdžajuć u ZŠA.
Takoje mierkavańnie vykazaŭ u raspaŭsiudžanaj u paniadziełak zajavie dla presy amierykanski miljarder Donald Tramp, jaki ŭvachodzić u lik pretendentaŭ ad Respublikanskaj partyi na pasadu prezidenta ZŠA.
Jon u svajoj zajavie vykazaŭ upeŭnienaść u pieramozie na prezidenckich vybarach u ZŠA ŭ listapadzie 2016 hoda. «My zrobim Amieryku znoŭ vialikaj krainaj», - abiacaŭ Tramp. Jon taksama spasłaŭsia na apytańnie hramadskaj dumki, zhodna ź jakim častka pražyvajučych u štatach musulman paličyli hvałt u dačynieńni da amierykanskich hramadzian prymalnym mietadam hłabalnaj «baraćby ź niaviernymi».
Pieradvybarčy štab Tramp paprasili ŭdakładnić, kamu mienavita jon prapanuje abmiežavać ujezd u ZŠA — imihrantam abo turystam i zamiežnym studentam. «Usim», — łakanična adkazaŭ pradstaŭnik palityka Kory Levandoŭski.
Kamientary