Eŭrapiejski źviaz asudžaje žorstki razhon i masavyja aryšty mirnych demanstrantaŭ u Miensku 25 sakavika. Pra heta havorycca ŭ raspaŭsiudžanaj 28 sakavika zajavie ciapierašniaha staršyni ES — Słavienii.
«Eŭrapiejski źviaz zaklikaje Biełaruś nieadkładna vyzvalić usich zatrymanych i ŭstrymacca ad ich dalejšaha sudovaha pieraśledu», — havorycca ŭ zajavie.
U dakumencie padkreślivajecca, što Eŭraźviaz nieadnarazova zajaŭlaŭ ab svajoj hatoŭnaści da raźvićcia kanstruktyŭnych adnosinaŭ ź Biełaruśsiu.
«My nie pakinuli biez uvahi vyzvaleńnie amal usich palityčnych źniavolenych, — havorycca ŭ zajavie. — EZ usio jašče čakaje, što Alaksandar Kazulin, apošni z palitźniavolenych, budzie vyzvaleny bieź jakich‑niebudź zatrymak. Hety krok dazvolić EZ pačać prahresiŭna raźvivać stasunki ź Biełaruśsiu».
Aproč taho, padkreślivajecca ŭ dakumencie, dla palapšeńnia adnosinaŭ z EZ «biełaruskija ŭłady pavinny ŭstrymacca ad dalejšych aryštaŭ i pieraśledaŭ pradstaŭnikoŭ hramadzianskaj supolnaści».
«U suviazi z hetym padziei 25 sakavika i raspačaty 27 sakavika pieraśled pa ŭsioj respublicy žurnalistaŭ zamiežnych ŚMI vyklikaje asablivuju zaniepakojenaść, jak i adjezd ź Biełarusi pasła ZŠA i častki supracoŭnikaŭ amerykanskaj dypmisii, — havoryca ŭ zajavie. — Eŭraźviaz spadziajecca, što Biełaruś praviadzie nieadkładnyja i kankretnyja kroki dla adnaŭleńnia pazytyŭnaj dynamiki ŭ adnosinach z EZ».
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary