Prezident Ukrainy Piatro Parašenka prakamientavaŭ kanflikt ministra ŭnutranych spraŭ Arsiena Avakava i kiraŭnika Adeskaj abłasnoj dziaržaŭnaj administracyi Michaiła Saakašvili, jaki adbyŭsia ŭ paniadziełak na pasiadžeńni Nacyjanalnaj rady reformaŭ.
«Jak Prezident, harant Kanstytucyi, pravoŭ i svabod hramadzian, ja nie mahu abyści maŭčańniem haniebny incydent, jaki adbyŭsia ŭ paniadziełak na Nacyjanalnaj radzie reformaŭ. Dyskusija na hetaj placoŭcy časta atrymlivajecca vostraj i haračaj. Tam sutykajucca roznyja punkty hledžańnia, pradukujucca idei, znachodziacca kampramisy, naradžajucca reformy. Ale ŭ Nacradzie, dzie jak nidzie, niedapuščalnyja hrubaja łajanka i abrazy, — asabliva tyja, jakija majuć ksienafobski padtekst, zakranajuć nacyjanalnuju hodnaść čałavieka, staviać pad sumnieŭ jaho ŭkrainski patryjatyzm, prapanujuć kamuści «zabiracca z Ukrainy», — zajaviŭ Parašenka.
Prezident adznačyŭ, što nie škaduje, što zaprasiŭ va Ukrainu mižnarodnuju kamandu refarmataraŭ. Parašenka taksama adznačyŭ, što «chacieŭ by, kab ni dziaržaŭnyja słužačyja, ni narodnyja deputaty nie brali ŭdziełu ŭ padobnych «śpiektaklach».
«Pierakanaŭča budzie vyhladać nie toj, chto skaža pryhažej, a chto svaju dokaznuju bazu padaść u Nacyjanalnaje antykarupcyjnaje biuro», — adznačyŭ kiraŭnik ukrainskaj dziaržavy.
Ciapier čytajuć
Što adbyvałasia za kratami z zatrymanymi pa spravie ab padryvie rasijskaha samalota A-50 u Mačuliščach1
Kamientary