Navina z Rasiei dalacieła ŭžo da vioski Hlinianki
Kobrynskaha rajonu. U chatu ŭciekačoŭ‑viernikaŭ źbirajucca svajaki. Z Baranavičaŭ pryjechała spadarynia Halina — rodnaja siastra Alaksandra Vabiščeviča. Paŭhoda tamu jon źjechaŭ u Rasieju razam z žonkaj Inaj i dvuma dziećmi — Valancinaj (12 hadoŭ) i Alonkaj, jakoj tady było ŭsiaho 1 hod i 4 miesiacy.
2 krasavika apošnija z 14 pustelnikaŭ pačali pakidać piačoru‑schovanku la vioski Nikolskaje
Navina z Rasiei dalacieła ŭžo da vioski Hlinianki
«Kala mianie ciapier maja dačka, za jakuju Alonka maładziejšaja na paŭtara miesiaca. Kali ja baču svajo dzicia i ŭzhadvaju, dzie znachodzicca toje, to, viadoma, vielmi chvalujusia. Viedajecie, pierad tym, jak jany źjechali, my źbiralisia ŭ hetym domie. Vielmi ich uhavorvali, płakali».
U Nikolskaje na pieramovy z pustelnikami byŭ zaprošany śviatar Pienzienskaj japarchii ajciec Hiermahien. Voś čym tłumačyć stanoŭčy vynik jahonaj misii kiraŭnik pres‑słužby ŭradu Pienzienskaj vobłaści Anton Šyrokaŭ:
«Sprava ŭ tym, što ajciec Hiermahien tradycyjna ličycca ŭ nas znaŭcam Apakalipsisu. Heta taja biblejskaja kniha, jakuju pustelniki vybrali sabie za hałoŭnuju i jakoj kirujucca ŭ svaich dziejańniach.
Taksama ajciec Hiermahien viedaje statut piačornych manachaŭ i moža arhumentavana pierakanać našych pustelnikaŭ, što abranaja imi forma schovanki — u pryncypie nie abaviazkovaja. Heta značyć, što žyćcio na pavierchni, pa‑za piačoraj, taksama dazvalaje prytrymlivacca tych malitvaŭ, postu i samaachviarnaści, jakija z pazycyj pravasłaŭnych viernikaŭ całkam dastatkovyja dla vyratavańnia dušy ŭ dzień Strašnaha sudu».
Minuła šmat miesiacaŭ. Što ciapier kažuć rodnyja biełaruskich pustelnikaŭ? Mierkavańnie Haliny Vabiščevič:
«Kaniečnie, my, jak rodnyja, pavinny atulić ich kłopatam i luboŭju. Kab, kali jany viernucca, dalej udychnuli tut žyćcio. Bo kali dom biez haspadara, to jon razvalvajecca».
Zhodna z aficyjnaj infarmacyjaj ambasady Biełarusi ŭ Rasiei, u padziemnym schoviščy la rasiejskaj vioski Nikolskaje znachodzilisia 10 hramadzianaŭ Biełarusi, siarod ich dvoje dziaciej. Darosłyja ličać siabie prychilnikami sekty «Horni Jerusalim», jakuju ačolvaŭ žychar vioski Nikolskaje Piotar Kuźniacoŭ. Hety prapaviednik u 2006—2007 hadach niekalki razoŭ naviedvaŭ rehijony Biełarusi, adkul paźniej vyjechali i schavalisia ŭ piačory jahonyja prychilniki‑pustelniki.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary