Paśla 4 hadoŭ znachodžańnia ŭ składzie Kiraŭničaj rady Jeŭrapiejskaha humanitarnaha ŭniviersiteta (EHU, Vilnia) praf. Daniel Taršys pakidaje pasadu staršyni Kiraŭničaj rady ŭ suviazi z aficyjnym daručeńniem Urada Šviecyi ŭznačalić pracoŭnuju hrupu na pytańniach mihracyi, havorycca ŭ pres-relizie VNU.
Pryznajučy zasłuhi praf. Taršysa, rektar EHU praf. Devid Polik skazaŭ: «Daniel Taršys znachodziŭsia ŭ EHU ŭ adzin z najbolš napružanych pieryjadaŭ isnavańnia ŭniviersiteta, u jakim adbyvalisia składanyja źmieny i transfarmacyi. Usia supolnaść EHU ščyra dziakuje praf. D. Taršysu za jaho padtrymku ŭ toj momant, kali jana najbolš była patrebnaj».
Šmathadovy čalec Kiraŭničaj rady En Łonsdejł była paćvierdžana Radaj na pasadu časova v.a. staršyni Rady da momantu pryznačeńnia stałaha Staršyni, jakoje płanujecca padčas nastupnaha pasiedžańnia Kiraŭničaj rady ŭ červieni.
En Łonsdejł, kamandor Ordena Brytanskaj impieryi, źjaŭlajecca vydatnym brytanskim sinołaham, ekśpiertam u halinie vyšejšaj adukacyi i šmathadovym čalcom Kiraŭničaj rady EHU.
En Łonsdejł zajmała pasadu prezidenta Ńju-Choła ŭ Kiembrydžskim ŭniviersitecie ŭ 1996—2008 hh., pra-vice-kanclera Kiembrydžskaha ŭniviersiteta ŭ 1998—2003 hh. i namieśnika vice-kanclera da 2008 h. Raniej sp. Łonsdejł zajmała pasadu Hienieralnaha sakratara Centralna-Jeŭrapiejskaha ŭniviersiteta i była adnoj sa stvaralnikaŭ Nazarbajeŭ-univiersiteta ŭ Astanie, dzie znachodziłasia na pasadzie provasta-zasnavalnika ŭ 2010—2012 hh. i viarnułasia na hetuju pasadu ŭ 2015 h.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary