Vyšejšy administracyjny sud paćvierdziŭ zakonnaść zabarony Kamunistyčnaj partyi Ukrainy (KPU), paviedamlaje pres-słužba Ministerstva justycyi Ukrainy.
Jak adznačajuć u viedamstvie, Vyšejšy administracyjny sud Ukrainy admoviŭ u adkryćci kasacyjnaj spravy pa kasacyjnaj skarzie KPU, jakaja ŭ sudovym paradku sprabavała asprečyć Pravavoje zaklučeńnie Kamisii pa pytańniach vykanańnia zakona Ukrainy «Ab asudžeńni kamunistyčnaha i nacyjanał-sacyjalistyčnaha (nacysckaha) tatalitarnych režymaŭ va Ukrainie i zabaronie prapahandy ich simvoliki».
«Dadzienaje zaklučeńnie vyjaviła nieadpaviednaść dziejnaści, nazvy i simvoliki Kamunistyčnaj partyi Ukrainy patrabavańniam ukrainskaha zakanadaŭstva», — havorycca ŭ paviedamleńni.
Vyšejšy administracyjny sud pastanaviŭ, što «kasacyjnaja skarha źjaŭlajecca nieabhruntavanaj, a vykładzienyja ŭ joj dovady nie vyklikajuć nieabchodnaści pravierki materyjałaŭ spravy, pakolki zajaŭnik nie pryvodzić padstaŭ, jakija dazvalajuć ličyć, što sud niapravilna ŭžyŭ normy materyjalnaha abo pracesualnaha prava».
Hetaja pastanova Vyšejšaha administracyjnaha suda Ukrainy abskardžańniu nie padlahaje.
Takim čynam, administracyjnyja sudy pryjšli da vysnovy, što dovady pradstaŭnikoŭ i advakataŭ Kamunistyčnaj partyi Ukrainy nie źjaŭlajucca abhruntavanymi, h.zn. kančatkova paćvierdzili pravamiernaść vyšejpakazanaha Pravavoha zaklučeńnia i adpaviedna zabarony KPU.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści40
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary