ZŠA mianiajuć vajskovy biudžet praz pahrozy z Rasii i Kitaja
Upieršyniu za 25 hod Pientahon pieraraźmiarkoŭvaje vydatki na ŭzbrojenyja siły ŭ suviazi z pahrozami z boku vialikich dziaržaŭ, takich jak Rasija i Kitaj, adznačyŭ ministr abarony ZŠA Eštan Karter.
Na 2017 biudžetny hod Pientahon prosić $582,7 miljarda, u tym liku $71,4 miljarda na navukovyja daśledavańni i raspracoŭku novaj techniki, $7,5 miljarda na baraćbu ź ID, $8,1 miljarda na padvodnyja łodki, $1,8 miljarda na papaŭnieńnie zapasaŭ bojeprypasaŭ.
Akramia RF i Kitaja, u liku pahroz Karter nazvaŭ KNDR, Iran i «Isłamskuju dziaržavu».
«My pavinny mieć — i pra heta pavinny viedać u śviecie — mahčymaść nanieści technałahična raźvitamu praciŭniku nieprymalnyja dla jaho straty, kab jon albo ŭstrymaŭsia ad pravakacyjnych dziejańniaŭ, albo hłyboka paškadavaŭ pra ich, kali pojdzie na takija dziejańni», — skazaŭ Karter.
«U hetym kantekście Rasija i Kitaj — našy najbolš značnyja kankurenty», — dadaŭ jon.
U čatyry razy pavysiacca vydatki na jeŭrapiejskuju inicyjatyvu padtrymki chaŭruśnikaŭ (European Reassurance Imitative) — da $3,4 miljarda z $789 miljonaŭ. Jana była adkrytaja letam 2014 hoda ŭ adkaz na rasiejskuju ahresiju suprać Ukrainy. U jaje ŭvachodziać stałaja prysutnaść i ratacyja amierykanskich vojsk u Jeŭropie, sumiesnyja manieŭry, dapamoha ŭ śfiery biaśpieki krainam, jakim pahražaje Rasija, u tym liku Hruzii, Ukrainie i Małdovie.
Pientahon taksama pavialičyć vydatki na kibierbiaśpieku, kaśmičnyja prajekty, vajenny fłot.
Takim čynam, bolšaja, čym raniej, dola vydatkaŭ budzie iści na padrychtoŭku da kanfliktaŭ z rehularnymi armijami i fłatami, mienš uvahi budzie nadavacca temie, jakaja zajmała rozumy vajskoŭcaŭ ZŠA apošnija 25 hod — baraćbie z farmavańniami bajevikoŭ i terarystaŭ.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary