Ministerstva zamiežnych spraŭ Biełarusi vystupiła z zajavaj u suviazi z zapuskam rakiety-nośbita, ažyćcioŭlenym Karejskaj Narodna-Demakratyčnaj Respublikaj.
«Ministerstva zamiežnych spraŭ Respubliki Biełaruś sa škadavańniem adznačaje, što dziejańni KNDR pa zapusku rakiety-nośbita źjaŭlajucca parušeńniem normaŭ mižnarodnaha prava i šerahu rezalucyj Rady biaśpieki AAN», — havorycca ŭ zajavie pres-słužby MZS.
«Biełaruski bok pierakanany ŭ tym, što sapraŭdny i ŭstojlivy mir i stabilnaść jak u rehijanalnym, tak i ŭ bolš šyrokim mižnarodnym kantekście mohuć być dasiahnuty tolki na asnovie ŭzajemnaha kanstruktyŭnaha dyjałohu, — padkreślivajecca ŭ paviedamleńni. — U hetym kantekście varta paźbiahać lubych dziejańniaŭ, jakija viaduć da eskałacyi napružanaści na karejskim paŭvostravie, stvarajuć pahrozu miru, rehijanalnaj i mižnarodnaj biaśpiecy».
Rasijskija infarmahienctvy paviedamlajuć, što KNDR u niadzielu abviaściła ab paśpiachovym zapusku štučnaha spadarožnika «Kvanmionson-4» z kasmadroma «Soche» na zachodnim uźbiarežžy. ZŠA zajavili, što rakieta KNDR była zapuščana ŭ paŭdniovym kirunku nad Žoŭtym moram. Zapusk užo vyklikaŭ niehatyŭnuju reakcyju Paŭdniovaj Karei, Kitaja, Japonii, ZŠA i Rasii. SB AAN asudziŭ zapusk rakiety KNDR, zajaviŭ ab parušeńni svaich rezalucyj i maje namier pryniać jašče adnu, jakaja budzie ŭtrymlivać miery ŭ adkaz.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary