Cichanoŭskaja: My zaklikajem ZŠA nie cisnuć na Litvu nakont sankcyj
«Kali sankcyi adnosna kalijnych uhnajeńniaŭ buduć admienienyja, heta tolki ŭmacuje režym», — miarkuje demakratyčnaja lidarka.
Śviatłana Cichanoŭskaja kaža, što pastajanna padtrymlivaje suviaź z partniorami ŭ ZŠA i zaklikaje ich nie akazvać cisk na krainy ES dziela źmiakčeńnia sankcyj suprać Biełarusi, paviedamlaje BNS.
«My pastajanna kamunikujem z amierykanskimi partniorami i zaklikajem ich nie akazvać cisk na krainy ES, u pieršuju čarhu na Litvu, kab hetyja krainy admienili jeŭrapiejskija sankcyi», — u paniadziełak u Siejmie žurnalistam skazała Cichanoŭskaja.
«Usie razumiejem, što kali, naprykład, sankcyi adnosna kalijnych uhnajeńniaŭ buduć admienienyja, heta tolki ŭmacuje režym, daść bolš srodkaŭ dla represij i vajny va Ukrainie», — dadała jana.
Cichanoŭskaja taksama zaklikała jeŭrapiejskich partnioraŭ zachoŭvać paśladoŭnaść i nie kapijavać palityku prezidenta Trampa adnosna Łukašenki, paśla taho jak ES uvioŭ sankcyi suprać Minska za dapamohu Rasii ŭ vajnie suprać Ukrainy.
«Prezident Tramp maje dastatkovuju ŭpłyvovaść, kab dapamahčy biełarusam vyzvalić usich palitviaźniaŭ. Ale prosim jeŭrapiejcaŭ zachavać mocnyja karty dla bolš važnych krokaŭ, bo vyzvaleńnie palitviaźniaŭ — naš pryjarytet, adnak naša zadača — vyzvalić usiu krainu», — skazała jana.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj3
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić2929
Kamientary