Ministerstva pracy i sacyjalnaj abarony Biełarusi raspracoŭvaje prapanovy pa refarmavańni sistemy apłaty pracy ŭ biudžetnaj śfiery. Pra heta paviedamiła ministr Marjana Ščotkina siońnia na padahulniajučaj kalehii viedamstva.
«U biudžetnaj śfiery płanujem padrychtoŭku prapanoŭ pa refarmavańni sistemy apłaty pracy. Praduhledžvajecca pradastaŭleńnie kiraŭnikam halinovych respublikanskich orhanaŭ i rehijonaŭ svabody ŭ raźmierkavańni stymulujučaha składnika zarabotnaj płaty, a taksama značnaje spraščeńnie miechanizma jaje farmiravańnia», — skazała kiraŭnik ministerstva.
Jana adznačyła, što «niahledziačy na toje, što 2015 hod byŭ davoli składany i napružany, uradam vykonvalisia abaviazacielstvy adnosna padtrymańnia realnaha ŭzroŭniu zarabotnaj płaty rabotnikaŭ biudžetnaj śfiery». Zblizilisia ŭzroŭni zarabotnaj płaty rabotnikaŭ biudžetnaj śfiery i pa respublicy ŭ cełym: za 2015 hod ich suadnosiny skłali 79 pracentaŭ, u tym liku ŭ śniežni 2015 hoda — 79,6 pracenta. Dla paraŭnańnia: u 2010 hodzie jany składali 80,8 pracenta, a ŭ 2013-m — 74,9 pracenta.
Ministr nazvała stratehičnym napramkam libieralizacyju apłaty pracy rabotnikaŭ kamiercyjnych arhanizacyj. «Pryniatyja rašeńni pradastavili prava arhanizacyjam samastojna vybirać sistemy apłaty pracy rabotnikaŭ, zabiaśpiečyli prazrystaść i prastatu naličeńnia zarabotnaj płaty, sadziejničali pavyšeńniu inicyjatyvy, jakaści, pradukcyjnaści pracy i matyvacyi apłaty pracy, zamacavańniu vysokakvalifikavanych śpiecyjalistaŭ na miescach», — ličyć Marjana Ščotkina. Kolkaść arhanizacyj, jakija prymianiajuć hibkija sistemy apłaty pracy, vyrasła amal u 35 razoŭ.
Na kožnym pradpryjemstvie pavinien pravodzicca analiz efiektyŭnaści prymianiajemaj sistemy apłaty pracy i jaje ŭzroŭniu, padkreśliła ministr.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek15
Kamientary