Biełaruskaja armija zaniała 45-je miesca ŭ suśvietnym rejtynhu ŭzbrojenych sił, składzienym arhanizacyjaj Global Firepower.
Biełaruś apynułasia na 45-j pazicyi siarod 126 krain pa sukupnych pakazčykach svaich uzbrojenych siłaŭ u suśvietnym rejtynhu, paviedamlaje sajt arhanizacyi.
Pieršyja try radki ŭ rejtynhu zajmajuć ZŠA, Rasija i Kitaj, apošnija — Mali, Mazambik i Samali. Ukraina znachodzicca na 25-m miescy, Uźbiekistan — na 54-m, Azierbajdžan — na 64-m, Armienija — na 74-m, Hruzija — na 75-m, Kyrhyzstan — na 78-m, Tadžykistan — na 81-m, Turkmienistan — na 90-m.
U rejtynhu ŭličana, što pa kolkaści nasielnictva Biełaruś zajmaje 83-ju pazicyju siarod krain, jakija paraŭnoŭvajucca. Pry hetym pa kolkaści armii (65 tys. čałaviek) Uzbrojenyja siły Biełarusi zajmajuć 65-je miesca.
Pa ahulnaj kolkaści samalotaŭ (181) biełaruskaja armija zajmaje 50-je miesca. Pa liku aeradromaŭ, jakija absłuhoŭvajucca (65), — 70-je miesca. Pa ahulnaj kolkaści tankaŭ, u tym liku lohkich, — 15-je. Pavodle źviestak Global Firepower ich u Biełarusi 1.665 adzinak.
Pry hetym, adznačajuć daśledčyki, pa raschodach na abaronu Biełaruś zajmaje 79-je miesca, vydatkoŭvajučy na hetyja mety 725 młn. dołaraŭ za hod pa stanie na 2015 hod.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary