Kiraŭnik Čačni Ramzan Kadyraŭ zajaviŭ, što jaho čas na pasadzie kiraŭnika rehijonu padyšoŭ da kanca i na hetuju pasadu dziaržavie nieabchodna znajści inšaha čałavieka.
Pra heta jon skazaŭ u intervju telekanału NTV.
«Kali ščyra skazać, ja rablu spravy, i ŭ mianie atrymlivałasia da siońniašniaha dnia. Voś kab nie vykarystoŭvali majo imia suprać majho naroda, ja liču, što kiraŭnictvu dziaržavy treba znajści inšaha čałavieka. Ja kažu — moj čas prajšoŭ. U nas pierajemnikaŭ u kamandzie jość vielmi šmat, jość vielmi dobryja śpiecyjalisty», — skazaŭ Kadyraŭ.
Jon adznačyŭ, što ŭ luboha čałavieka jość svaja miaža. «Heta pik. Voś heta pik dla Kadyrava», — skazaŭ kiraŭnik Čačni.
Piacihadovy termin paŭnamoctvaŭ Kadyrava na pasadzie kiraŭnika Čačni zavieršycca 5 sakavika.
Kamientary