12 sakavika ŭ Minsku prajšoŭ 16-y źjezd Biełaruskaha sajuza kampazitaraŭ. Ihar Łučanok znoŭ abrany staršynioj. Hetuju pasadu jon zajmaje ŭžo bolš za 35 hadoŭ.
Kandydaturu Łučanka prapanavaŭ zasłužany dziejač mastactvaŭ Biełarusi Viktar Vojcik: «Ihar Michajłavič — narodny artyst SSSR, hanarovy žychar Minska. Hetyja i inšyja zvańni i rehalii jon atrymaŭ dziakujučy talentu i samaaddanaj pracy. Jon samaja znakavaja fihura ŭ biełaruskim mastactvie. Akramia taho, kožny z nas jamu čymści abaviazany. Ihar Michajłavič spahadlivy čałaviek i dapamahaŭ kožnamu z nas».
Kampazitar Halina Harełava nahadała, što zhodna sa statutam Sajuza, vybary pavinny prachodzić na alternatyŭnaj asnovie, tamu jana prapanavała kandydaturu Radasłavy Aładavaj, prafiesara Biełaruskaj akademii muzyki.
«My nie spadziajemsia, što jana pieramoža, ale ja b chacieła zajavić jaje kandydaturu, pakolki Radasłava Mikałajeŭna biezumoŭna talenavity čałaviek. Niachaj jana budzie alternatyvaj Iharu Michajłaviču», - zajaviła Harełava.
U vyniku staršynioj Sajuza iznoŭ byŭ abrany Ihar Łučanok. Hetuju pasadu jon zajmaje z 1980 hoda.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary