Pradstaŭnik Biełarusi na «Słavianskim bazary» prapanuje biełarusam abrać pieśniu kalektyŭna
Alaksiej Hros, jaki sioleta maje reprezientavać Biełaruś na «Słavianskim bazary», choča, kab pieśniu biełarusy jamu vybrali kalektyŭna.
Na «Bazary» śpievaki vykonvajuć adzin «suśvietny chit» i adnu «pieśniu na słavianskaj movie».
U jakaści suśvietnaha chita Hros budzie śpiavać «A Song for You» — pieśniu Leona Raseła, jakuju raniej pierapiavała Kryścina Ahilera.
Što da pieśni na słavianskaj movie, to śpiavak i jahony pradziusar abiacajuć prysłuchacca da mierkavańnia ludziej.
«My vyrašyli nie pierapiavać usim znajomyja pieśni, a prapanujem biełarusam dasłać nam nie abaviazkova hatovuju pieśniu, a, mahčyma, vieršy Janki Kupały ci Jakuba Kołasa, a muzyku my napišam», — zajavili mieniedžary Hrosa.
Muzyčnym pradziusaram śpievaka staŭ Leanid Šyryn, jaki pracavaŭ raniej ź Irynaj Darafiejevaj, Rusłanam Alachno, Alaksiejem i Andrejem Chlastovymi, Łarysaj Hrybalovaj, Alaksandram Saładucham.
Alaksieju Hrosu 26 hadoŭ, jon rodam z Salihorska. U 2012-m prajšoŭ kastynh u pradziusarski centr «Spamaš», ź im dahetul i pracuje.
Akramia «Słavianskaha bazaru», śpiavak trojčy vychodziŭ u finał biełaruskaha adboru na Jeŭrabačańnie.
«Słavianski bazar u Viciebsku» sioleta projdzie 25-y raz.
Svaje prapanovy možacie dasyłać na mejł śpievaka — [email protected]
Kamientary