Viarchoŭny pradstaŭnik Jeŭrasajuza pa źniešniaj palitycy Fiederyka Mahieryni zaklikała krainy AAN dałučycca da sankcyj, uviedzienych Brusielem u dačynieńni da Rasii z-za anieksii Kryma.
U zajavie Mahieryni, raźmieščanaj na sajcie Jeŭrapiejskaj słužby źniešnich suviaziaŭ, havorycca, što Jeŭrasajuz pa-raniejšamu padtrymlivaje suvierenitet i terytaryjalnuju cełasnaść Ukrainy i nie pryznaje «nielehalnuju anieksiju Aŭtanomnaj Respubliki Krym i horada Sievastopal».
Pa słovach Mahieryni, palityka niepryznańnia hetych dziejańniaŭ z boku Jeŭrasajuza vyjaŭlajecca va ŭviadzieńni sankcyj u dačynieńni da asobnych rasiejcaŭ i rasijskich kampanij, jakija majuć dačynieńnie da taho, što zdaryłasia.
Kiraŭnik dypłamatyi ES zaklikała AAN dałučycca da hetych abmiežavalnych mier.
Mahieryni acharaktaryzavała anieksiju Kryma jak niepasredny vyklik mižnarodnaj biaśpiecy, jaki maje surjoznyja nastupstvy dla mižnarodnaha pravaparadku. Jana taksama vykazała zaniepakojenaść naroščvańniem vajennaj mocy ŭ Krymie.
Zajava Mahieryni apublikavanaja ŭ druhuju hadavinu anieksii Kryma.
Abmiežavalnyja miery ŭ dačynieńni da Maskvy byli ŭviedzienyja ŭ niekalki etapaŭ z boku ZŠA, Jeŭrasajuza i jašče šerahu krain.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary