Вярхоўны прадстаўнік Еўрасаюза па знешняй палітыцы Федэрыка Магерыні заклікала краіны ААН далучыцца да санкцый, уведзеных Бруселем у дачыненні да Расіі з-за анексіі Крыма.
У заяве Магерыні, размешчанай на сайце Еўрапейскай службы знешніх сувязяў, гаворыцца, што Еўрасаюз па-ранейшаму падтрымлівае суверэнітэт і тэрытарыяльную цэласнасць Украіны і не прызнае «нелегальную анексію Аўтаномнай Рэспублікі Крым і горада Севастопаль».
Па словах Магерыні, палітыка непрызнання гэтых дзеянняў з боку Еўрасаюза выяўляецца ва ўвядзенні санкцый у дачыненні да асобных расейцаў і расійскіх кампаній, якія маюць дачыненне да таго, што здарылася.
Кіраўнік дыпламатыі ЕС заклікала ААН далучыцца да гэтых абмежавальных мер.
Магерыні ахарактарызавала анексію Крыма як непасрэдны выклік міжнароднай бяспецы, які мае сур'ёзныя наступствы для міжнароднага правапарадку. Яна таксама выказала занепакоенасць нарошчваннем ваеннай моцы ў Крыме.
Заява Магерыні апублікаваная ў другую гадавіну анексіі Крыма.
Абмежавальныя меры ў дачыненні да Масквы былі ўведзеныя ў некалькі этапаў з боку ЗША, Еўрасаюза і яшчэ шэрагу краін.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й13
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары