Alaksiej Doŭbaš u čas terakta byŭ u Homieli — KDB padrabiazna prakamientavaŭ infarmacyju ab dačynieńni vychadcaŭ ź Biełarusi
Kamitet dziaržaŭnaj biaśpieki Biełarusi prakamientavaŭ infarmacyju ab mahčymym dačynieńni vychadcaŭ ź Biełarusi da teraktaŭ u Brusieli. Adpaviednuju zajavu zrabiŭ u efiry prahramy «Panarama» telekanała «Biełaruś 1» siońnia načalnik pres-słužby KDB Biełarusi Dźmitryj Pabiaržyn.
Alaksiej Doŭbaš
«Hramadzianie znachodziacca ŭ pole zroku Kamiteta dziaržaŭnaj biaśpieki Biełarusi z 2014 hoda. Z 2015 hoda ich pravierka viałasia sumiesna z FSB Rasii. Ustanoŭlena, što dvoje ź ich źjaŭlajucca hramadzianami Respubliki Biełaruś, adzin — vychadziec z Rasii. Razam z tym, dadzienych, jakija paćviardžajuć ich ŭzajemasuviaź, na siońniašni dzień u KDB niama», — paviedamiŭ načalnik pres-słužby KDB Biełarusi. Havorka idzie pra bratoŭ Doŭbašaŭ i Marata Junusava.
Pavodle infarmacyi KDB, braty Doŭbašy (Alaksiej i Ivan) razam z maci ŭ 2000 hodzie vyjechali na terytoryju Bielhii, dzie i vychoŭvalisia. U 2006 hodzie Alaksiej skončyŭ škołu i pastupiŭ u siekcyju boksu, dzie i paznajomiŭsia z prychilnikami isłamu. Paśla pad ich upłyvam jon pryniaŭ isłam i na pieršapačatkovym etapie pastajanna naviedvaŭ miačeć.
«Pavodle najaŭnaj infarmacyi, apošnim časam miačeć jon nie naviedvaje, a malitvy pravodzić doma. Taksama my majem infarmacyju, što ŭ 2013 hodzie jon paznajomiŭsia z vychadcam ź Sierbii, jaki paśla vyjechaŭ na vajnu ŭ Siryju. U 2014 hodzie pryblizna kala 1,5 miesiacaŭ jon znachodziŭsia z metaj pošuku pracy na terytoryi Turcyi. Razam z tym, za parušeńni tureckaha zakanadaŭstva byŭ nazad vysłany ŭ Bielhiju», — infarmavaŭ Dźmitryj Pabiaržyn.
Adkazvajučy na pytańnie ab tym, ci byvali braty Doŭbašy ŭ Biełarusi i kali apošni raz, jon adkazaŭ: «KDB maje dadzienyja pra toje, što braty pieryjadyčna naviedvali Respubliku Biełaruś».
Adnosna treciaha fihuranta, pra jakoje paviedamlajuć ŚMI — Marata Junusava — načalnik pres-słužby KDB Biełarusi adznačyŭ, što jon źjaŭlajecca vychadcam z terytoryi Rasii, a z 1990 hoda pražyvaŭ na terytoryi Biełarusi ŭ Hrodzienskaj vobłaści.
«U 1999 hodzie vyjechaŭ na pastajannaje miesca žycharstva ŭ Bielhiju. U 2008 hodzie jon pryniaŭ bielhijskaje paddanstva, i z hetaha času my majem źviestki pra piać naviedvańniaŭ terytoryi Biełarusi. Apošni raz Marat Junusaŭ naviedvaŭ Biełaruś u 2011 hodzie», - paviedamiŭ Pabiaržyn.
Na pytańnie, ci vałodaje KDB infarmacyjaj pra toje, ci źviazanyja pamiž saboj braty Doŭbyšy i Marat Junusaŭ, jon skazaŭ: «Na siońniašni dzień KDB nie maje infarmacyi pra ŭzajemasuviaź pamiž bratami Doŭbašami i Maratam Junusavym».
U śniežni 2015 hoda, jak adznačyŭ Dźmitryj Pabiaržyn, infarmacyja pra bratoŭ i Marata Junusava była pieradadziena kaleham z FSB Rasii z prapanovaj ab pieradačy jaje pravaachoŭnym orhanam Bielhii, ź jakimi KDB kantaktaŭ nie padtrymlivaje.
«Ci dastaŭlena infarmacyja ŭ dačynieńni da zhadanych asob, nam nie viadoma», - skazaŭ načalnik pres-słužby KDB Biełarusi.
Kamientujučy mahčymaść znachodžańnia ich na momant teraktaŭ u Bielhii i datyčnaści da ich, Dźmitryj Pabiaržyn zajaviŭ: «Nam dakładna viadoma, što na momant ździajśnieńnia teraktaŭ Alaksiej Doŭbaš znachodziŭsia ŭ horadzie Homiel. Pryčym ab svaim vyjeździe ŭ Respubliku Biełaruś jon zahadzia prainfarmavaŭ palicyju Bielhii. Daviedaŭšysia ź internetu pra nfarmacyju, jakaja ŭ dačynieńni da ich z bratam raspaŭsiudžvajecca, paprasiŭ svajho brata Ivana patłumačycca ŭ antyterarystyčnych padraździaleńniach Bielhii, što toj i zrabiŭ.
Takim čynam, my možam peŭna śćviardžać, što Alaksieja Doŭbaša na momant ździajśnieńnia teraktaŭ u Bielhii nie było. Datyčna Ivana Doŭbaša i Marata Junusava — davajcie hetaje pytańnie adrasujem našym bielhijskim kaleham».
«Kamitet dziaržaŭnaj biaśpieki Biełarusi pa linii procidziejańnia mižnarodnamu teraryzmu hatovy supracoŭničać ź luboj krainaj śvietu», - skazaŭ Dźmitryj Pabiaržyn.
Kamientary