Armija ZŠA ŭzbroić najlepšych strałkoŭ piachoty novymi snajpierskimi vintoŭkami
Madyfikavanaja viersija snajpierskaj vintoŭki G28 vytvorčaści niamieckaj kampanii Heckler & Koch stanie samaj masavaj u svaim kłasie ŭ amierykanskaj armii, piša partał armytimes.com.
Novaja vintoŭka budzie pryznačanaja dla ŭzbrajeńnia zvyčajnych piechacincaŭ — najlepšych strałkoŭ u svaim adździaleńni. Jana zamienić vintoŭki M110 kampanii Knight's Armament, bo maje mienšuju vahu, bolš karotkuju rulu pry nie horšaj trapnaści i nadziejnaści.
Takija «vintoŭki najlepšych strałkoŭ» zajmajuć u amierykanskaj kłasifikacyi miesca pamiž zvyčajnymi šturmavymi vintoŭkami i «sapraŭdnaj» dalnabojnaj snajpierskaj zbrojaj, jakuju atrymlivajuć ludzi z bolš vysokim uzroŭniem padrychtoŭki, što słužać u asobnych padraździaleńniach.
Pavodle hetaj kłasifikacyi, u siarednim šturmavyja vintoŭki pavinny efiektyŭna ŭžyvacca na dalnaści boju da 250 mietraŭ, vintoŭki najlepšych strałkoŭ - da 600 m, snajpierskija vintoŭki — bolš za 600 m.
U hetym sensie, naprykład, savieckaja vintoŭka SVD — typovaja vintoŭka najlepšaha strałka, a nie snajpierskaja vintoŭka.
G28 maje kalibr 7,62 mm i źjaŭlajecca paŭaŭtamatyčnaj zbrojaj. Pieršy varyjant zbroi ŭžo vykarystoŭvajecca niamieckaj armijaj. Varyjant dla amierykanskaj armii raspracavany ŭ miežach prajekta pa temie Compact Semi-Automatic Sniper System — «kampaktnaja paŭaŭtamatyčnaja snajpierskaja sistema».
Kankretnyja pakazčyki G28 CSASS pakul nieviadomyja, adnak kamiercyjnaja viersija važyć 5,8 kh i maje daŭžyniu ad 96,5 sm. Takim čynam, jana na 1,3 kh lahčej i na 6 sm karaciejšaja za M110.
Košt kožnaj novaj armiejskaj vintoŭki — prykładna $12000, usiaho armija ZŠA kupić da 3643 vintovak.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary