Źmienieny ŭmovy strachavańnia hramadzianskaj adkaznaści ŭładalnikaŭ transpartnych srodkaŭ

U Biełarusi źmienieny paradak i ŭmovy praviadzieńnia abaviazkovaha strachavańnia hramadzianskaj adkaznaści ŭładalnikaŭ transpartnych srodkaŭ u suviazi ź pieravodam respubliki z tranzitnych (časovych) u poŭnyja (pastajannyja) členy Mižnarodnaj sistemy aŭtatranspartnaha strachavańnia «Zialonaja kartka».

Prezident Biełarusi ŭkazam numar 236 ad 28 krasavika ŭnios źmianieńni i dapaŭnieńni va ŭkazy, jakija rehulujuć paradak i ŭmovy praviadzieńnia asobnych vidaŭ strachavańnia, paviedamili BIEŁTA u pres‑słužbie kiraŭnika dziaržavy.

Urehulavana pytańnie adnosna čarhovaści strachavych vypłat strachaŭščykami ŭ vypadku, kali ryzyki zastrachavany pa dobraachvotnamu strachavańniu naziemnych transpartnych srodkaŭ (KASKO) i pa abaviazkovamu strachavańniu hramadzianskaj adkaznaści ŭładalnikaŭ transpartnych srodkaŭ. Pry najaŭnaści nazvanych dahavoraŭ škoda, pryčynienaja paciarpiełamu ŭ vyniku darožna‑transpartnaha zdareńnia, u pieršuju čarhu kampiensujecca pa dahavoru abaviazkovaha strachavańnia hramadzianskaj adkaznaści ŭładalnikaŭ transpartnych srodkaŭ.

Źnižany pamiery strachavych uznosaŭ pa 20 typach transpartnych srodkaŭ pa abaviazkovamu strachavańniu hramadzianskaj adkaznaści ŭładalnikaŭ transpartnych srodkaŭ (hruzavych aŭtamabilaŭ i traktaroŭ, a taksama pryčepaŭ da ich, aŭtobusaŭ (za vyklučeńniem tych, što vykarystoŭvajucca na ekspresnych rehularnych maršrutach).

U metach pašyreńnia supracoŭnictva strachoŭščykaŭ ź niedziaržaŭnymi arhanizacyjami i bankami pradastaŭlena mahčymaść jurydyčnym asobam i bankam pryvatnaj formy ŭłasnaści ažyćciaŭlać pasrednickuju dziejnaść u jakaści strachavych ahientaŭ pa ŭsich vidach dobraachvotnaha strachavańnia, uklučajučy dobraachvotnaje strachavańnie miedycynskich raschodaŭ i vidy strachavańnia, jakija naležać da strachavańnia žyćcia.

Ukazam taksama ŭdakładnieny i pašyrany pieralik asob, jakija źjaŭlajucca zastrachavanymi pa abaviazkovamu strachavańniu ad niaščasnych vypadkaŭ na vytvorčaści i prafiesijnych zachvorvańniaŭ. Da takich asob adniesieny hramadzianie Respubliki Biełaruś, zamiežnyja hramadzianie, asoby biez hramadzianstva, što pražyvajuć u Respublicy Biełaruś, jakim u adpaviednaści z zakanadaŭstvam pradastaŭlajecca rabota abo jakija pryciahvajucca da raboty, što daść mahčymaść stvaryć roŭnyja ŭmovy pa zabieśpiačeńniu strachavoj abaronaj pry niaščasnych vypadkach na vytvorčaści i prafiesijnych zachvorvańniach.

Taksama praduhledžany paradak pradastaŭleńnia strachavalnikam adterminoŭki i rasterminoŭki pa vypłacie strachavych uznosaŭ, štrafaŭ, pieni pa abaviazkovamu strachavańniu ad niaščasnych vypadkaŭ na vytvorčaści i prafiesijnych zachvorvańniaŭ. Jana budzie pradastaŭlacca Biełdziaržstracham u paradku, ustanoŭlenym va ŭkazie.

Pa abaviazkovamu strachavańniu hramadzianskaj adkaznaści pieravozčyka pierad pasažyrami na padstavie analizu praktyki jaho praviadzieńnia źnižany strachavyja taryfy i, adpaviedna, pamiery strachavych uznosaŭ.

Akramia taho, u metach pavieličeńnia pamieru statutnaha fondu Biełdziaržstracha i jaho daččynych pradpryjemstvaŭ, stvoranych dla ažyćciaŭleńnia strachavoj dziejnaści, praduhledžana mahčymaść nakiravańnia častki prybytku, atrymanaha ad invieściravańnia srodkaŭ śpiecyjalnaha strachavoha reziervu pa abaviazkovamu strachavańniu ad niaščasnych vypadkaŭ na vytvorčaści i prafiesijnych zachvorvańniaŭ na pavieličeńnie statutnaha fondu.

Ukaz ustupaje ŭ siłu paśla jaho aficyjnaha apublikavańnia.

BIEŁTA

• 0
• 0
• 0
• 0
• 0
• 0
• 0
• 0