U chodzie sumiesnaj apieracyi ŭpraŭleńnia pa rasśledavańni złačynstvaŭ suprać infarmacyjnaj biaśpieki i intelektualnaj ułasnaści hałoŭnaha śledčaha ŭpraŭleńnia Śledčaha kamiteta Respubliki Biełaruś i Upraŭleńnia «K» Ministerstva ŭnutranych spraŭ Respubliki Biełaruś spyniena złačynnaja dziejnaść mižnarodnaj hrupy, u skład jakoj uvachodzili i hramadzianie Respubliki Biełaruś.
Pravaachoŭnymi orhanami ŭstanoŭlena, što ŭdzielniki złačynnaj hrupy na praciahu niekalkich apošnich hadoŭ z vykarystańniem škodnaha prahramnaha zabieśpiačeńnia zavałodvali rekvizitami bankaŭskich rachunkaŭ roznych kampanij.
Tak, z rachunku bujnoj amierykanskaj kampanii hrupaj było vykradziena 1 miljon 350 tysiač dalaraŭ ZŠA.
U dalejšym złačynnaja hrupa sprabavała lehalizoŭvać skradzienyja hrošy z dapamohaj śpiecyjalna stvoranych dla hetych metaŭ fiktyŭnych kampanij, zarehistravanych u Biełarusi, Kitai, Banhładeš i inšych krainach.
U Minsku zatrymanyja dva aktyŭnyja ŭdzielniki złačynnaj hrupy — žychary horada 1981 hod i 1974 hadoŭ naradžeńnia. Śledstvam u ich praviedzienyja pieratrusy, zabranyja pradmiety i dakumienty, jakija paćviardžajuć dačynieńnie da pracy ŭ składzie mižnarodnaj złačynnaj hrupy. Dziejańni zatrymanych kvalifikavanyja pa č.4 st.212 Kryminalnaha kodeksa Respubliki Biełaruś.
Załoham paśpiachovaha zaviaršeńnia apieracyi pa ŭstalavańni i zatrymańni padazravanych asob pasłužyli prafiesijnyja sumiesnyja dziejańni Śledčaha kamiteta Respubliki Biełaruś, Ministerstva ŭnutranych spraŭ Respubliki Biełaruś, Hienieralnaj prakuratury Respubliki Biełaruś i Fiederalnaha biuro rasśledavańniaŭ ZŠA.
Pravodzicca rasśledavańnie.
Ciapier čytajuć
Što adbyvałasia za kratami z zatrymanymi pa spravie ab padryvie rasijskaha samalota A-50 u Mačuliščach1
Kamientary